విభిన్నంగా తాప్సీ ఫస్ట్‌లుక్!

వరుసగా కథా ప్రాధాన్యమున్న, వైవిధ్యమైన సినిమాలను ఎంచుకుంటూ దూసుకుపోతోంది హీరోయిన్ తాప్సీ. నటనకు ప్రాధాన్యమున్న సినిమాలు చేస్తూ ప్రతిభావంతమైన నటిగా గుర్తింపు సంపాదించుకుంది. తాప్సీ నటిస్తున్న తాజా చిత్రం `లూప్ లాపెటా`. డార్క్ కామెడ్రీ థ్రిల్లర్‌గా తెరకెక్కుతున్న ఈ సినిమా ఫస్ట్‌లుక్ తాజాగా బయటకు వచ్చింది. 

చీకటిగా, మురికిగా ఉన్న బాత్రూమ్‌లో టాయిలెట్‌పై కూర్చుని ఉన్న తాప్సీ ఫొటో ఫస్ట్‌లుక్‌గా విడుదలైంది. `కొన్నిసార్లు జీవితంలో మనల్ని మనమే ప్రశ్నించుకోవాల్సిన సమయం వస్తుంది. `నేను ఇక్కడ ఎలా ఉన్నాను?` అని. నేను అంటుంది జీవితంలో గందరగోళం గురించి. హాయ్ నేను సవి. ఈ క్రేజీ రైడ్ కోసం సిద్ధం` అంటూ తాప్సీ పేర్కొంది. ఆకాష్ భాటియా దర్శకత్వంలో తెరకెక్కుతున్న `లూప్ లాపెటా` చిత్రాన్ని సోనీ పిక్చర్స్, ఎలిప్సిన్ ఎంటర్టైన్మెంట్స్ సంస్థలు సంయుక్తంగా నిర్మిస్తున్నాయి.