‘మోసగాళ్లు‌’ చిత్రంలో నన్ను ఆకట్టుకుంది అదే: సునీల్‌ శెట్టి

విష్ణు మంచు హీరోగా న‌టించిన భారీ యాక్ష‌న్ థ్రిల్ల‌ర్ చిత్రం 'మోస‌గాళ్లు'. హాలీవుడ్‌ స్థాయిలో.. యదార్థ ఘటనల ఆధారంగా తెరకెక్కిన ఈ చిత్రం కోసం ప్రేక్ష‌కులు అమితాస‌క్తితో ఎదురు చూస్తున్నారు. తెలుగు, త‌మిళ‌, మ‌ల‌యాళం, క‌న్న‌డ‌, హిందీ భాష‌ల్లో పాన్ ఇండియా ఫిల్మ్‌గా తెరకెక్కిన ఈ చిత్రం మార్చి 19న ప్రపంచవ్యాప్తంగా గ్రాండ్‌గా విడుదల కాబోతోంది. ఇప్ప‌టివ‌ర‌కూ విడుద‌లైన టీజ‌ర్‌, సాంగ్స్‌, పోస్ట‌ర్స్‌ ట్రెమండ‌స్ రెస్పాన్స్ పొందడమే కాకుండా.. సినిమాపై భారీగా అంచ‌నాల‌ను పెంచేశాయి. మంచు విష్ణుకి అక్కగా స్టార్‌ హీరోయిన్‌ కాజల్‌ నటించిన ఈ చిత్రంలో బాలీవుడ్‌ స్టార్‌ యాక్టర్‌ సునీల్ శెట్టి ఓ కీలకపాత్రలో నటించారు. చిత్ర ప్రమోషన్‌లో భాగంగా సునీల్‌ శెట్టి.. మీడియాకు చిత్ర విశేషాలను తెలియజేశారు. 

ఆయన మాట్లాడుతూ.. '' ఏ సినిమాలో చేయాలన్నా..  స్క్రిప్ట్ బాగా ఉండాలి. చేసే దర్శకుడు, అదిరిపోయే కథ, హాలీవుడ్ స్థాయిలో ఉన్న స్టాండర్డ్స్ అన్నీ కలిసి ఈ సినిమాను ఓకే చేసేలా చేశాయి. సినిమాను చూసే విధానం, దానిని తెరకెక్కించే దానికి ఎంతో తేడా ఉంటుంది. అక్కాతమ్ముడు కలిసి ఇలా స్కాం చేయడమనేది నన్ను ఆకట్టుకుంది. వారిని పట్టుకోవడమే నా పాత్ర. కానీ వారిద్దరూ ఎంతో తెలివిగా సిస్టం నుంచి తప్పించుకుంటూ ఉంటారు. యదార్థ ఘటనల ఆధారంగా తీసే సినిమాలు వర్కవుట్ అవుతుంటాయి. జనాలు వాటినే ఇష్టపడుతున్నారు. ఇందులో ఎంతో వినోదం కూడా ఉంది. అవన్నీ కూడా నన్ను ఈ సినిమాను ఒప్పుకునేలా చేశాయ్.

తెలుగు భాషలో నటించడం గురించి చెప్పాలంటే.. నాకు తెలిసి తెలుగు భాషను మాట్లాడటమే కష్టం కానీ అర్థం చేసుకోవడం సులభమే. ప్రతీ పదం అర్థం తెలుసుకోవడం కష్టం. కానీ నాకు అద్భుతమై టీం దొరికడంతో అది సులభమైంది. మామూలుగా అయితే ఈ మూవీ మొదటగా ఇంగ్లీష్‌లోనే షూట్ చేశాం. ఆ తరువాతే తెలుగులో తీశాం. హిందీ వర్షెన్‌ను కూడా చేశాం. అలా వేర్వేరు భాషల్లో చేయడం చాలా కష్టతరమైన పని. కానీ నా వంతు ప్రయత్నం నేను చేశాను.

నా ఫిట్‌నెస్ గురించి అడుగుతున్నారు.. అందరూ.. రహస్యం ఏమీ లేదు..  నేను ఏం తింటున్నాను.. ఎంత తినాలే అనే దానిపై నాకంటూ ఓ అవగాహన ఉంది. నా వయసు మీద ఓ దృష్టి పెట్టాలి.. అలానే నా ఫిట్‌నెస్ మీదా శ్రద్ద పెట్టాలి. అందుకే నేను తినే తిండి మీద చాలా శ్రద్దగా ఉంటాను. ఇక యోగా, వర్కవుట్లు ప్రతీరోజూ కచ్చితంగా చేస్తాను. విష్ణు కొత్త తరానికి చెందిన వారు. వారికే ఫిట్‌నెస్‌ రహస్యాలు బాగా తెలుస్తాయ్. నేను పాత కాలపు మనిషిని. సినిమాలో మా ఇద్దరి మధ్య ఎన్నో యాక్షన్ సీక్వెన్స్‌లున్నాయ్. ప్రతీ యాక్షన్‌కు రియాక్షన్ ఉంటుంది. పైగా యాక్షన్ సీక్వెన్స్‌లంటే ఎంతో శ్రద్దగా ఉండాలి. టైమింగ్‌తో చేయాలి లేదంటే గాయాలు అయ్యే ప్రమాదం కూడా ఉంటుంది. కానీ మా సెట్‌లో అలాంటివేమీ జరగలేదు అదే మా అదృష్టం.

మోసగాళ్లు మెమరీస్ అంటే.. మోసగాళ్లు టీంతో పని చేయడం ఎంతో సంతోషంగా ఉంది. ప్రతీది అనుకున్న సమయంలో అయిపోతుంది. అదే దక్షిణాది పరిశ్రమ గొప్పదనం. తినడం, ప్యాకప్ చెప్పడం, రిహార్సల్స్ ఇలా ప్రతీ ఒక్కటి కూడా అన్నీ టైంకి జరుగుతూ ఉంటాయి. హైద్రాబాద్‌లో అడుగుపెట్టినప్పుడే నాకు ఓ రకమైన మంచి అనుభూతి కలిగింది. నేను డైరెక్టర్ జెఫ్రీ, విష్ణు, కాజల్‌తో ఇందుకు ముందు ఎప్పుడూ కూడా పని చేయలేదు. ఈ సినిమాను వాళ్లు కొత్తగా ఆలోచించారు.. సరికొత్తగా తెరకెక్కించారు. వారు మా అనుభవాన్ని ఉపయోగించుకున్నారు.. మేం వారి క్రియేటివిటీని వాడుకున్నాం. వారు సీన్ బై సీన్ వెళ్తుంటారు.

వరుణ్‌ తేజ్‌తో తెలుగులో చేస్తున్న గని చిత్రం కూడా గని అద్భుతంగా ఉండబోతోంది.. వరుణ్ తేజ్ నిజంగా బ్రిల్లియంట్. మళ్లీ ఓ కొత్త దర్శకుడు. ఈ సినిమా కోసం మళ్లీ శరీరాకృతిని మార్చాలి.. నేను ఎంతో ఆత్రుగా ఎదురుచూస్తున్నాను.. అని తెలిపారు.