నోటితో సోనూసూద్ బొమ్మ‌... ఆర్టిస్టుకు ఊహించ‌ని పిలుపు!

ముంబై: సినిమాల్లో విల‌న్ వేషాలు వేసినా క‌రోనా కష్ట‌కాలంలో పేద‌ల‌కు ఆప‌ద్భాంధ‌వుడ‌య్యాడు న‌టుడు సోనూ సూద్‌. ఈ నేప‌ధ్యంలో ఆయ‌న లెక్క‌కు మించిన అభిమానుల‌ను సంపాదించుకున్నాడు. తాజాగా య‌శ్వంత్ అనే కళాకారుడు నోటిలో పెయింట్ బ్ర‌ష్ ప‌ట్టుకుని సోనూసూద్ బొమ్మ‌ను అద్భుతంగా గీశాడు. వేలాదిమందికి సాయం అందిస్తూ, చాలామందికి స్ఫూర్తిగా నిలిచారంటూ ఆ కళాకారుడు సోనూసూద్‌ను కొనియాడుతూ ట్వీట్ చేశాడు. దీనిని చూసిన సోనూ సూద్‌... ఏదో ఒక‌రోజు మిమ్మ‌ల్ని క‌లుస్తానంటూ రీ ట్వీట్ చేశాడు. త‌న అభిమాన హీరో నుంచి ఇటువంటి ట్వీట్ రాగానే ఆ క‌ళాకారుని ఆనందానికి అవ‌ధులు లేకుండా పోయాయి.