శ‌ర్వానంద్ ‘శ్రీ‌కారం‌’ రిలీజ్‌ డేట్‌ ఫిక్సయింది

యంగ్‌ హీరో శర్వానంద్‌ మహాశివరాత్రికి సందడి చేసేందుకు రెడీ అవుతున్నారు. ఆయన హీరోగా నటిస్తోన్న చిత్రం 'శ్రీకారం'. కిశోర్ బి. డైరెక్ట్ చేస్తోన్న ఈ ఫ్యామిలీ

యంగ్‌ హీరో శర్వానంద్‌ మహాశివరాత్రికి సందడి చేసేందుకు రెడీ అవుతున్నారు. ఆయన హీరోగా నటిస్తోన్న చిత్రం 'శ్రీకారం'.  కిశోర్ బి. డైరెక్ట్ చేస్తోన్న ఈ ఫ్యామిలీ ఎంట‌ర్‌టైన‌ర్‌లో హీరోయిన్‌గా ప్రియాంకా అరుళ్ మోహ‌న్ న‌టిస్తున్నారు. 14  రీల్స్ ప్ల‌స్‌  బ్యాన‌ర్‌పై రామ్ ఆచంట‌, గోపి ఆచంట ఈ చిత్రాన్ని నిర్మిస్తున్నారు. మ‌హాశివ‌రాత్రి కానుక‌గా మార్చి 11న ఈ చిత్రాన్ని థియేట‌ర్ల‌లో విడుద‌ల చేయ‌నున్న‌ట్లు శ‌నివారం చిత్ర బృందం అధికారికంగా ప్ర‌క‌టించింది. ఈ సంద‌ర్భంగా రిలీజ్ డేట్ పోస్ట‌ర్‌ను కూడా విడుద‌ల చేశారు. ఈ పోస్ట‌ర్‌లో గ‌ళ్ల లుంగీ, కాట‌న్ ష‌ర్ట్‌, భుజాన కండువాతో న‌వ్వుతూ నిల్చొని వున్న శ‌ర్వానంద్ క‌నిపిస్తున్నారు.

ఇప్ప‌టివ‌ర‌కూ చేయ‌ని విభిన్న త‌ర‌హా పాత్ర‌లో శర్వానంద్‌ ఈ చిత్రంలో కనిపించనున్నారు. విలేజ్ బ్యాక్‌డ్రాప్‌తో న‌డిచే స్టోరీ ఇదని ఇప్పటికే విడుదలైన పోస్టర్స్‌, స్టిల్స్‌ తెలుపుతున్నాయి. ఇంకా ఈ 'శ్రీ‌కారం'కు సంబంధించి విడుద‌ల చేసిన "బ‌లేగుంది బాలా", "సంద‌ళ్లె సంద‌ళ్లే సంక్రాంతి సంద‌ళ్లే.." పాట‌లు సినిమాపై మంచి క్రేజ్‌ను ఏర్పరచిన విషయం తెలిసిందే. యూట్యూబ్‌లో వీటికి సూప‌ర్బ్ రెస్పాన్స్ వ‌చ్చింది. అలాగే స్పెష‌ల్ టీజ‌ర్‌ కూడా మంచి స్పందనను రాబట్టుకుంది. 'గ‌ద్ద‌ల‌కొండ గ‌ణేష్' వంటి బ్లాక్‌బ‌స్ట‌ర్ త‌ర్వాత 14 రీల్స్ ప్ల‌స్ బ్యాన‌ర్ నుంచి వ‌స్తోన్న‌ రెండో చిత్రం 'శ్రీ‌కారం'. ఆ సినిమాకు వండ‌ర్‌ఫుల్ మ్యూజిక్ ఇచ్చిన మిక్కీ జె. మేయ‌ర్ ఈ చిత్రానికి సంగీతం అందిస్తున్నారు. బుర్రా సాయిమాధ‌వ్ డైలాగ్స్, జె. యువ‌రాజ్ సినిమాటోగ్రఫీ ఈ చిత్రానికి అద‌న‌పు ఆక‌ర్ష‌ణ‌లు కానున్నాయని చిత్రయూనిట్‌ తెలుపుతోంది.