ప్రభాస్‌తో ‘కె.జి.యఫ్‌’ హీరోయిన్‌?

ప్రభాస్‌తో ‘కె.జి.యఫ్‌’ హీరోయిన్‌ శ్రీనిధీ శెట్టి నటించనున్నారట. అయితే, వీళ్లిద్దరూ కలిసి సినిమా చేయడం లేదు. కేవలం ఓ పాట చేస్తారట. ‘కె.జి.యఫ్‌’ దర్శకుడు ప్రశాంత్‌ నీల్‌తో ప్రభాస్‌ చేస్తున్న సినిమా ‘సలార్‌’. ఇందులో శ్రుతీ హాసన్‌ కథానాయిక. సినిమాలో ఓ ప్రత్యేక గీతానికి చోటుంది. అందులో ప్రభాస్‌తో శ్రీనిధీ శెట్టి స్టెప్పులు వేయనున్నారట. ఈ పాట గురించి ఆమెకు దర్శకుడు వివరించగా... వెంటనే ఓకే చెప్పారట. ఈ ఏడాది ఆఖరులో స్పెషల్‌ సెట్‌లో పాటను చిత్రీకరించడానికి సన్నాహాలు చేస్తున్నారు. జూన్‌లో తదుపరి షెడ్యూల్‌ స్టార్ట్‌ చేయాలనుకున్నారు. అయితే, పరిస్థితులను బట్టి అప్పుడు నిర్ణయం తీసుకోవాలనుకుంటున్నారు. వచ్చే ఏడాది వేసవి సందర్భంగా ఏప్రిల్‌లో సినిమాను విడుదల చేయనున్నట్టు ప్రకటించిన సంగతి తెలిసిందే.