నీవల్లేరా... రాజా!

రాజ్‌ తరుణ్‌ కథానాయకుడిగా నటించిన చిత్రం ‘అనుభవించు రాజా’. కాశిష్‌ ఖాన్‌ కథానాయిక. శ్రీను గవిరెడ్డి దర్శకత్వం వహించారు...

రాజ్‌ తరుణ్‌ కథానాయకుడిగా నటించిన చిత్రం ‘అనుభవించు రాజా’. కాశిష్‌ ఖాన్‌ కథానాయిక. శ్రీను గవిరెడ్డి దర్శకత్వం వహించారు. సుప్రియ నిర్మాత. ఈ చిత్రంలోని ‘నీ వల్లేరా..’ అనే గీతాన్ని ప్రముఖ కథానాయిక పూజా హెగ్డే విడుదల చేశారు. భాస్కరభట్ల రవికుమార్‌ రాసిన ఈ పాటకు గోపీ సుందర్‌ స్వరాలు అందించారు. దర్శకుడు మాట్లాడుతూ ‘‘ఇదో జల్సా రాయుడి కథ. భీమవరంలో అల్లరి చిల్లరగా తిరిగే అబ్బాయి చుట్టూ వినోదాత్మకంగా సాగుతుంది. ఇప్పటికే టీజర్‌ని విడుదల చేశాం. ఓ పాట కూడా వినిపించాం. వాటికి మంచి స్పందన వచ్చింది. ఈనెల 26న ఈ చిత్రాన్ని విడుదల చేస్తున్నామ’’న్నారు.