#RRR : నాటు.. నాటు ప్రోమో వచ్చేసింది!

యంగ్ టైగర్ యన్టీఆర్, మెగా పవర్‌స్టార్ రామ్‌చరణ్ హీరోలుగా.. దర్శక ధీరుడు రాజమౌళి తెరకెక్కిస్తోన్న క్రేజీ మల్టీస్టారర్ ‘ఆర్.ఆర్.ఆర్’. తెలుగుతో పాటు తమిళ, మలయాళ, కన్నడ, హిందీ భాషల్లో సైతం వచ్చే ఏడాది జనవరి 7 ఈ పాన్ ఇండియా మూవీ విడుదల కాబోతోంది. ఇటీవల సినిమా టాకీ పార్ట్ పూర్తి చేసుకుంది. ప్రస్తుతం సీజీ వర్క్ జరుగుతోంది. ఇప్పటికే ఈ సినిమానుంచి విడుదలైన మూడు టీజర్స్, ఒక సింగిల్ కు భారీ రెస్పాన్స్ వచ్చింది. ఈ నేపథ్యంలో రేపు (బుధవారం ) ‘ఆర్.ఆర్.ఆర్’ మూవీలోని ‘నాటు.. నాటు’ అంటూ సాగే ఓ మాస్ లిరికల్ సాంగ్ ను విడుదల చేయబోతున్నారు. కీరవాణి సంగీతం అందించిన ఈ సాంగ్ ప్రోమో ను ఈ రోజు (మంగళవారం) విడుదల చేశారు మేకర్స్. 

‘నా పాట చూడు.. నా పాట చూడు .. నాటు నాటు నాటు నాటు.. వీర నాటు’ అంటూ సాగే ఈ పాటని అదిరిపోయే రేంజ్ లో ట్యూన్ చేశారు కీరవాణి. టాలీవుడ్ లో టాప్ మోస్ట్ డ్యాన్సింగ్ స్టార్స్ అయిన తారక్, చెర్రీలు కలిసి ఒకే స్ర్కీన్ పై నర్తించనుండడం ఈ పాటకే హైలైట్ కాబోతోంది. నిజంగా ఇది అభిమానులకు కన్నుల పండగే. మాస్ జనం నాడిని పట్టుకోవడంలో చెయితిరిగిన రాజమౌళి.. ఈ ఒక్క పాటతోనూ సినిమాకు  భారీ హైప్ తెస్తారని వేరే చెప్పాలా? ఈ పాటను చంద్రబోసు రచించగా.. రాహుల్ సిప్లిగంజ్, కాలభైరవ ఆలపించారు. మరి ఈ పాట వెండితెరపై ఏ రేంజ్ లో అరిపిస్తుందో చూడాలి.