‘మిస్ట‌ర్ బెగ్గ‌ర్’గా.. సంపూర్ణేష్ బాబు

బర్నింగ్ స్టార్ సంపూర్ణేష్ బాబు బెగ్గర్‌గా మారుబోతున్నారు. కార్తిక్ మూవీ మేక‌ర్స్ ప‌తాకంపై శ్రీమ‌తి వ‌డ్ల నాగ శార‌ద స‌మ‌ర్ప‌ణ‌లో సంపూర్ణేష్ బాబు, అద్వితి శెట్టి హీరోహీరోయిన్లుగా వ‌డ్ల జ‌నార్థ‌న్ ద‌ర్శ‌క‌త్వంలో గురురాజ్, కార్తిక్ నిర్మిస్తోన్న చిత్రం ‘మిస్ట‌ర్ బెగ్గ‌ర్’. ఈ చిత్ర ప్రారంభోత్స‌వ కార్యక్రమం సోమవారం రామానాయుడు స్టూడియోలో జ‌రిగింది. ముహూర్త‌పు స‌న్నివేశానికి న‌టుడు స‌త్య ప్ర‌కాష్ క్లాప్ కొట్ట‌గా.. కార్తీ మూవీ మేక‌ర్స్ అధినేత, నిర్మాత రాజు కెమెరా స్విచాన్ చేశారు. ద‌ర్శ‌కుడు వి. స‌ముద్ర తొలి సన్నివేశానికి గౌర‌వ ద‌ర్శ‌క‌త్వం వ‌హించారు.

 

అనంత‌రం జరిగిన మీడియా సమావేశంలో న‌టుడు స‌త్య ప్ర‌కాష్ మాట్లాడుతూ.. ‘‘ఈ చిత్రంలో నేను భ‌ద్ర అనే పాత్ర‌లో మెయిన్ విల‌న్‌గా న‌టిస్తున్నాను. యువ నిర్మాత‌లు, యువ టెక్నీషియన్స్ ప‌ని చేస్తోన్న ఈ చిత్రంలో న‌టించ‌డం చాలా సంతోషంగా ఉంది. చిత్రం మంచి విజయం సాధించాలని కోరుకుంటున్నాను..’’ అని తెలపగా రైట‌ర్ పోలూరి ఘ‌టికాచ‌లం మాట్లాడుతూ.. ‘‘ఈ క‌థపై దాదాపు ఏడాది కాలం వ‌ర్క్ చేశాం. స్క్రిప్ట్ చాలా బాగొచ్చింది. ఇందులో హీరో పాత్ర‌, విల‌న్ పాత్ర రెండూ చాలా డిఫ‌రెంట్‌గా ఉంటాయి. యంగ్ ప్రొడ్యూస‌ర్స్, యంగ్ టెక్నీషియ‌న్స్ ఈ సినిమాకు ప‌ని చేస్తున్నారు’’ అని అన్నారు.

హీరో సంపూర్ణేష్ బాబు మాట్లాడుతూ.. ‘‘ద‌ర్శ‌కుడు జ‌నార్థ‌న్‌గారు అద్భుత‌మైన స్క్రిప్ట్‌తో ఈ సినిమా చేస్తున్నారు. ఈ సినిమా చాలా వ‌ర‌కు గోవా బ్యాక్‌డ్రాప్‌లో ఉంటుంది. వ‌చ్చే నెల‌లో గోవా షెడ్యూల్ ప్లాన్ చేశాం. ‘హృద‌య కాలేయం’ చిత్రం నుంచి న‌న్ను ఇప్ప‌టి వ‌ర‌కూ ఆద‌రిస్తూ వ‌చ్చారు. ఈ సినిమాను కూడా అదే విధంగా ఆద‌రిస్తార‌ని కోరుకుంటున్నా. ఎన్నో పెద్ద చిత్రాల్లో న‌టించిన స‌త్య‌ప్ర‌కాష్‌గారితో న‌టించ‌డం చాలా హ్యాపీ. ఇంకా చాలా మంది సీనియ‌ర్ ఆర్టిస్ట్స్ ఈ సినిమాలో న‌టిస్తున్నారు’’ అని తెలుపగా ద‌ర్శ‌కుడు వ‌డ్ల జ‌నార్థ‌న్ మాట్లాడుతూ.. ‘‘మిస్ట‌ర్ బెగ్గ‌ర్ టైటిల్‌కు మంచి రెస్పాన్స్ వ‌స్తోంది. స‌ర‌దా స‌ర‌దాగా సాగే కుటుంబ క‌థా చిత్రానికి మంచి వినోదం పొందు ప‌రిచాము. సంపూగారి మేనరిజానికి త‌గ్గ‌ట్టుగా స్క్రిప్ట్ రెడీ చేశాం. బాంబే, చెన్నై, గోవాల్లో సింగిల్ షెడ్యూల్‌లో షూటింగ్ ప్లాన్ చేశాం’’ అన్నారు. ఈ చిత్రాన్ని ఫుల్ లెంగ్త్ కామెడీ ఎంట‌ర్‌టైన‌ర్‌గా తీర్చిదిద్దుతున్నామని అన్నారు నిర్మాత‌లు గురురాజ్, కార్తిక్.