అమెరికాకు 'లైగర్'..

పూరి జగన్నాథ్ దర్శకత్వంలో విజయ్ దేవరకొండ హీరోగా తెరకెక్కుతున్న లేటెస్ట్ మూవీ 'లైగర్'. ఈ సినిమా ఫైనల్ షెడ్యూల్ కోసం చిత్రయూనిట్ అమెరికాకు వెళ్ళబోతోంది. బాక్సింగ్ బ్యాక్‌డ్రాప్‌లో రూపొందుతున్న ఈ మూవీలో మైక్‌టైసన్ కీలక పాత్ర పోషిస్తున్నారు. బాలీవుడ్ యంగ్ బ్యూటీ అనన్య పాండే విజయ్ సరసన హీరోయిన్‌గా నటిస్తోంది. పూరి కనెక్ట్స్, ధర్మ ప్రొడక్షన్స్ బ్యానర్స్‌పై పూరి జగన్నాధ్, ఛార్మి, బాలీవుడ్ మేకర్ కరణ్ జోహార్ ఈ సినిమాను నిర్మిస్తున్నారు. పాన్ ఇండియన్ స్థాయిలో తెరకెక్కిస్తున్న ఈ సినిమా షూటింగ్ చివరి దశకు చేరుకుంది. ఈ క్రమంలో ఫైనల్ షెడ్యూల్ కోసం ఈ నెల 12వ తేదీన 'లైగర్' టీమ్ అమెరికా వెళుతోంది. హీరో విజయ్ దేవరకొండ ఈ విషయాన్ని స్వయంగా వెల్లడించారు.