‘హౌస్ అరెస్ట్’.. నవ్వులే నవ్వుల్ అంటున్నారు

ప్రైమ్ షో ఎంట‌ర్‌టైన్‌మెంట్ బ్యానర్‌ తొలి చిత్రంగా రూపొందిన చిత్రం ‘హౌస్ అరెస్ట్‌’.ఆగ‌స్ట్ 27న‌ థియేటర్లలో విడుదలైన ఈ చిత్రం ప్రేక్షకుల నుంచి మంచి స్పందన రాబట్టుకుని విజయవంతంగా ప్రదర్శింపబడుతోంది. శ్రీనివాస్ రెడ్డి, స‌ప్త‌గిరి, అదుర్స్ ర‌ఘు, ర‌విప్ర‌కాశ్‌, ర‌విబాబు, తాగుబోతు ర‌మేవ్‌, ఫ్ర‌స్టేటెడ్ సునైన‌, కౌశిక్ త‌దిత‌రులు ప్ర‌ధాన పాత్ర‌ల్లో న‌టించిన ఈ చిత్రాన్ని శేఖ‌ర్ రెడ్డి యెర్ర ద‌ర్శ‌క‌త్వంలో కె. నిరంజన్ రెడ్డి నిర్మించారు. సినిమాకు మంచి టాక్ రావడంతో నిర్మాత తన ఆనందాన్ని తెలియజేశారు.

ఈ సందర్భంగా ఆయన మాట్లాడుతూ.. ‘‘ప్రస్తుతం థియేటర్స్‌లో నవ్వుల సందడి వినిపిస్తోంది. మా సినిమాను ఆడియన్స్ బాగా ఎంజాయ్ చేస్తున్నారు. ముఖ్యంగా సప్తగిరి, శ్రీనివాస్ రెడ్డి కామెడీ ఈ సినిమాకు హైలెట్. ఒక ఇంట్లో జరిగే కథలో పిల్లలతో సప్తగిరి, శ్రీనివాస్ రెడ్డి చేసిన కామెడీకి ప్రేక్షకులు పొట్టలు చెక్కలయ్యేలా నవ్వుతున్నారు. చిన్న పెద్దా తేడా లేకుండా ఈ సినిమాను థియేటర్స్‌లో వీక్షిస్తున్నారు. చాలా కాలం తరువాత చిన్న పిల్లల సినిమాగా హౌస్ అరెస్ట్ ప్రేక్షకుల ముందుకు వచ్చింది. అలాగే ఒకవైపు సోలో హీరోలుగా చేస్తూనే ఈ సినిమాలో సప్తగిరిగారు, శ్రీనివాసరెడ్డిగారు కలిసి నటించి.. కామెడీని పండించారు. వాళ్ల కామెడీకి ప్రేక్షకులు నీరాజనాలు పడుతుండటం సంతోషంగా ఉంది..’’ అని అన్నారు.