‘గని’ రిలీజ్‌ డేట్‌ ఫిక్స్‌!
ABN, First Publish Date - 2021-08-05T23:00:17+05:30
మెగా ప్రిన్స్‌ వరుణ్‌తేజ్‌ హీరోగా నటిస్తున్న ‘గని’ చిత్రాన్ని దీపావళికి విడుదల చేయడానికి నిర్మాణ సంస్థ సన్నాహాలు చేస్తోంది. అల్లు అరవింద్‌ సమర్పణలో అల్లు బాబీ, సిద్ధు ముద్ద నిర్మిస్తున్న ఈ చిత్రానికి కిరణ్‌ కొర్రపాటి దర్శకుడు. ప్రస్తుతం చివరి షెడ్యూల్‌ జరుగుతోంది.
మెగా ప్రిన్స్‌ వరుణ్‌తేజ్‌ హీరోగా నటిస్తున్న ‘గని’ చిత్రాన్ని దీపావళికి విడుదల చేయడానికి నిర్మాణ సంస్థ సన్నాహాలు చేస్తోంది. అల్లు అరవింద్‌ సమర్పణలో అల్లు బాబీ, సిద్ధు ముద్ద నిర్మిస్తున్న ఈ చిత్రానికి కిరణ్‌ కొర్రపాటి దర్శకుడు. ప్రస్తుతం చివరి షెడ్యూల్‌ జరుగుతోంది. నిర్మాణానంతర కార్యక్రమాలు పూర్తి చేసి దీపావళికి సినిమాను విడుదల చేస్తున్నట్లు నిర్మాణ సంస్థ గురువారం ప్రకటించింది. నిర్మాతలు మాట్లాడుతూ ‘‘ప్రస్తుతం హైదరాబాద్‌లో వేసిన సెట్‌లో చివరి షెడ్యూల్‌ జరుగుతుంది. ఈ చిత్రం కోసం వరుణ్‌ తేజ్‌ పూర్తిగా తన బాడీ లాంగ్వేజ్‌ మార్చుకున్నారు. బాక్సింగ్‌ బ్యాక్‌డ్రాప్‌లో రూపొందుతోన్న ఈ సినిమాకు హాలీవుడ్‌ చిత్రం ‘టైటాన్స్‌’, బాలీవుడ్‌ ‘సుల్తాన్‌’ చిత్రాలకు యాక్షన్‌ సన్నివేశాలను డిజైన్‌ చేసిన హాలీవుడ్‌ స్టంట్‌ మాస్టర్స్‌ లార్నెల్‌ స్టోవల్‌, వ్లాడ్‌ రింబర్గ్‌ యాక్షన్‌ సన్నివేశాలను చిత్రీకరించారు. బాలీవుడ్‌ బ్యూటీ సయీ మంజ్రేకర్‌ కథానాయికగా నటిస్తున్న ఈ చిత్రంలో ఉపేంద్ర, సునీల్‌ శెట్టి, నవీన్‌ చంద్ర కీలక పాత్రలు పోషిస్తున్నారు.