`నిన్నిలా నిన్నిలా` సాంగ్ రిలీజ్ చేసిన దుల్కర్
ABN , First Publish Date - 2021-02-21T02:00:02+05:30 IST
అశోక్ సెల్వన్, నిత్యామీనన్, రీతూవర్మ హీరో హీరోయిన్లుగా రూపొందుతోన్న చిత్రం `నిన్నిలా నిన్నిలా`లో సాంగ్ను దుల్కర్ సల్మాన్ విడుదల చేశాడు.

`ప్రాణం నిలవదే.. హృదయం చాలదె..ఈ మాయేమిటో ఒక క్షణమైన అణువంత కుదురుండదె` అని తన మనసులోని ప్రేమ భావాన్ని ప్రేయసి తెలియజేస్తున్న ప్రియుడు గురించి తెలియాలంటే `నిన్నిలా నిన్నిలా` సినిమా చూడాల్సిందే అని అంటున్నారు మేకర్స్. అశోక్ సెల్వన్, నిత్యామీనన్, రీతూవర్మ హీరో హీరోయిన్లుగా రూపొందుతోన్న ఈ చిత్రాన్ని బాపినీడు.బి సమర్పణలో ప్రముఖ నిర్మాణ సంస్థలు శ్రీ వెంకటేశ్వర సినీ చిత్ర ఎల్ఎల్పీ, జీ స్టూడియోస్లపై బీవీఎస్ఎన్.ప్రసాద్ ఈ చిత్రాన్ని నిర్మిస్తున్నారు. అని.ఐ.వి.శశి దర్శకత్వం వహిస్తున్నారు. రీసెంట్గా విడుదలైన ఈ సినిమా ట్రైలర్కు, నా కోసం..` అనే సాంగ్కు చాలా మంచి రెస్పాన్స్ వచ్చింది. లేటెస్ట్గా శనివారం ఈ సినిమాలో `ప్రాణం నిలవదే.. హృదయం చాలదె..` అనే సాంగ్ను మలయాళ సూపర్స్టార్ దుల్కర్ సల్మాన్ విడుదల చేశారు. రాజేశ్ మురుగేశన్ సంగీతం అందించిన ఈ సినిమాలోని ఈ పాటను శ్రీమణి రాయగా, యాజిన్ నిజార్, కల్యాణి నాయర్, రాజేష్ మురుగన్ పాడారు.