బన్నీకి బ్రహ్మానందం న్యూ ఇయర్ గిఫ్ట్
ABN , First Publish Date - 2021-01-01T20:25:34+05:30 IST
కోవిడ్ ప్రభావం వల్ల విధించిన లాక్డౌన్ సమయంలో బ్రహ్మానందం తనలోని చిత్రకారుడిని బయటకు తెచ్చారు.
స్టార్ కమెడియన్గా బ్రహ్మానందకు ఉన్న క్రేజ్ గురించి ప్రత్యేకంగా చెప్పనవసరం లేదు. అయితే కోవిడ్ ప్రభావం వల్ల విధించిన లాక్డౌన్ సమయంలో ఆయన తనలోని చిత్రకారుడిని బయటకు తెచ్చారు. భారతదేశంలో కరోనా కట్టడికి చేసిన లాక్డౌన్ గురించి తెలియజేస్తూ.. హనుమంతుడిని కౌగిలించుకున్న రాముడు, ఆనంద బాష్పాలు కారుస్తున్న హనమంతుడు .. ఇలా బొమ్మలను అద్భుతంగా చిత్రీకరించారు. తాజాగా కొత్త సంవత్సరం రోజున వెంకటేశ్వరస్వామి బొమ్మను గీసి దాన్ని ఫ్రేమ్ చేసి అల్లు అర్జున్కు గిఫ్ట్గా పంపారు. ఈ విషయాన్ని బన్నీ తన సోషల్ మీడియా అకౌంట్ ద్వారా తెలియజేశారు. 'బ్రహ్మానందంగారి నుండి అందుకున్న అమూల్యమైన బహుమతి, 45 రోజుల పాటు శ్రమించి ఈ స్కెచ్ వేశారు. ఆయనకు నా ధన్యవాదాలు' అని బ్రహ్మానందంకు థాంక్స్ చెప్పారు.