‘బ్లాక్ అండ్‌ వైట్’ టైటిల్‌ లుక్‌ వదిలారు

ఎస్‌కెఎల్‌ఎస్‌ గేలాక్సీ మాల్‌ ప్రొడ‌క్ష‌న్స్ ప‌తాకంపై తొలి చిత్రంగా రూపొందుతున్న చిత్రానికి నూతన సంవత్సర కానుకగా టైటిల్‌ను ప్రకటించారు. బృంద ర‌వింద‌ర్ ద‌ర్శ‌క‌త్వంలో ఈ. మోహ‌న్ నిర్మాత‌గా రూపొందుతోన్న ఈ చిత్రానికి  `బ్లాక్ n వైట్` టైటిల్‌ను అధికారికంగా ప్ర‌క‌టిస్తూ వీడియోను విడుద‌ల చేసింది చిత్రయూనిట్‌. ప్ర‌స్తుతం ఫైన‌ల్ షెడ్యూల్ షూటింగ్ జ‌రుపుకుంటున్న‌ ఈ మూవీ ఫ‌స్ట్ లుక్‌ను త్వ‌ర‌లోనే విడుద‌ల‌చేస్తామని, మెలోడి బ్ర‌హ్మ మ‌ణిశ‌ర్మ సంగీతం అందిస్తున్న ఈ చిత్రానికి సంబందించిన న‌టీన‌టుల వివ‌రాల‌ను త్వ‌ర‌లో వెల్ల‌డిస్తామని చిత్ర బృందం ప్రకటించింది. ''న్యూ ఇయ‌ర్ సందర్భంగా మా మూవీ టైటిల్ `బ్లాక్ n వైట్`ను అనౌన్స్ చేయ‌డం హ్యాపీగా ఉంది. ఒక డిఫ‌రెంట్ స‌బ్జెక్ట్‌తో ఈ మూవీ తెర‌కెక్కుతోంది. త్వ‌ర‌లోనే ఈ సినిమా ఫ‌స్ట్‌లుక్‌ని విడుద‌ల చేస్తాం`` అని ద‌ర్శ‌కుడు బృంద ర‌వింద‌ర్ తెలుపగా.. నిర్మాత  ఈ. మోహ‌న్, ఎగ్జిక్యూటివ్ ప్రొడ్యూస‌ర్ గుడిమిట్ల శివ ప్ర‌సాద్ మాట్లాడుతూ.. ''బ్లాక్ n వైట్ అనే ఇంట్రెస్టింగ్ టైటిల్‌తో రూపొందుతోన్న ఈ చిత్రం ఆడియ‌న్స్‌ని త‌ప్ప‌కుండా థ్రిల్ చేస్తుంది. త్వ‌ర‌లోనే మరిన్ని వివరాలను తెలియజేస్తాం..'' అని అన్నారు.