ఆసక్తి రేపుతోన్న ‘అర్జున ఫల్గుణ’ మేకింగ్ వీడియో
ABN , First Publish Date - 2021-12-29T21:57:49+05:30 IST
విలక్షణ హీరో శ్రీవిష్ణు, అందాల అమృత అయ్యర్ జంటగా.. కొత్త దర్శకుడు తేజ మార్ని తెరకెక్కించిన క్రైమ్ థ్రిల్లర్ ‘అర్జున ఫల్గుణ’. తూర్పుగోదావరి బ్యాక్ డ్రాప్ లో గంజాయి స్మగ్లింగ్ కథాంశంతో ఈ సినిమా రూపొందింది. నలుగురు స్నేహితులు తమకు తెలియకుండానే గంజాయి స్మగ్లింగ్ ఊబిలో కూరుకుపోతారు. చేయని నేరానికి శిక్ష అనుభవించడం ఇష్టం లేక.. తమ తెలివితేటలతో దాన్నుంచి ఎలా బైట పడ్డారు అన్నదే ఈ సినిమా కథాంశం. తూర్పుగోదావరి జిల్లాలోని పలు ప్రాంతాల్లో ఈ సినిమా షూటింగ్ జరుపుకుంది.
విలక్షణ హీరో శ్రీవిష్ణు, అందాల అమృత అయ్యర్ జంటగా.. కొత్త దర్శకుడు తేజ మార్ని తెరకెక్కించిన క్రైమ్ థ్రిల్లర్ ‘అర్జున ఫల్గుణ’. తూర్పుగోదావరి బ్యాక్ డ్రాప్ లో గంజాయి స్మగ్లింగ్ కథాంశంతో ఈ సినిమా రూపొందింది. నలుగురు స్నేహితులు తమకు తెలియకుండానే గంజాయి స్మగ్లింగ్ ఊబిలో కూరుకుపోతారు. చేయని నేరానికి శిక్ష అనుభవించడం ఇష్టం లేక.. తమ తెలివితేటలతో దాన్నుంచి ఎలా బైట పడ్డారు అన్నదే ఈ సినిమా కథాంశం. తూర్పుగోదావరి జిల్లాలోని పలు ప్రాంతాల్లో ఈ సినిమా షూటింగ్ జరుపుకుంది. డిసెంబర్ 31న ప్రపంచ వ్యాప్తంగా ఈ సినిమా థియేటర్స్ లో విడుదల కాబోతోంది. ఇటీవల ఈ సినిమా సెన్సార్ కార్యక్రమాలు పూర్తి చేసుకుంది. రిలీజ్ దగ్గర పడడంతో మరింత ఆసక్తిని పెంచే ప్రయత్నంలో ఈ సినిమాకి సంబంధించిన మేకింగ్ వీడియో ను వదిలారు.
ఆసక్తికరమైన సన్నివేశాలతో ఈ సినిమా తెరకెక్కిందని మేకింగ్ వీడియోను బట్టి అర్ధమవుతుంది. వివిధ లొకేషన్స్ ఆకట్టుకుంటున్నాయి. శ్రీవిష్ణు స్నేహితులుగా జబర్దస్త్ మహేశ్, చైతన్య, రాజ్ కుమార్ కాశిరెడ్డి నటించగా.. శివాజీరాజా, నరేశ్, సుబ్బరాజు, దేవీప్రసాద్ , గౌరవ్ పరీక్ ఇతర ముఖ్యపాత్రలు పోషించారు. మ్యాట్నీ ఎంటర్ టైన్ మెంట్స్ బ్యానర్ పై అన్వేష్ రెడ్డి, నిరంజన్ రెడ్డి సంయుక్తంగా ఈ సినిమాను నిర్మించారు.