బ్యాచ్‌లర్ గ్రాండ్ సక్సెస్ ఈవెంట్ కు ముఖ్య అతిథిగా అల్లు అర్జున్

అక్కినేని నవసామ్రాట్ అఖిల్ తాజాగా ‘మోస్ట్ ఎలిజిబుల్ బ్యాచ్‌లర్’ చిత్రంతో హ్యూజ్ హిట్ సొంతం చేసుకున్న సంగతి తెలిసిందే. బొమ్మరిల్లు భాస్కర్ దర్శకత్వంలో రూపొందిన ఈ సినిమా విడుదలైన రోజు నుంచే పాజిటివ్ టాక్ తెచ్చుకుని బాక్సాఫీస్ వద్ద కలెక్షన్స్ వర్షం కురిపిస్తోంది. ఓవర్ సీస్‌లో సైతం బ్యాచ్‌లర్ డీసెంట్ కలెక్షన్స్ రాబడుతున్నాడు. కరోనా సెకండ్‌వేవ్ నేపథ్యంలో అత్యధిక వసూళ్లు రాబట్టిన రెండో చిత్రంగా ఈ సినిమా మరో ఘనత సొంతం చేసుకుంది. ఈ నేపథ్యంలో ఈ సినిమా సక్సెస్‌మీట్ ను గ్రాండ్ గా నిర్వహించబోతున్నారు. సినిమాను ఆదరిస్తోన్న ప్రేక్షకులకు కృతజ్ఞతలు తెలుపుకుంటూ.. ఈ మధ్యనే వైజాగ్ తో నిర్మాతలు థ్యాంక్స్‌మీట్ ఏర్పాటు చేసిన సంగతి తెలిసిందే. ఇప్పుడు గ్రాండ్‌సక్సెస్ ఈవెంట్‌ను హైదరాబాద్ లో నిర్వహించబోతున్నారు. దీనికోసం అల్లు అర్జున్ రంగంలోకి దిగుతున్నారు. 

ఈ నెల 19 సాయంత్రం 6 గంటలకు జెఆర్సీ కన్వెన్షన్‌సెంటర్ లో అత్యంత వైభవంగా ఈ ఈవెంట్ జరగబోతోంది. ఈ కార్యక్రమానికి బన్నీ ఛీఫ్ గెస్ట్ గా విచ్చేస్తున్నారు. ఈ విషయాన్ని ట్విట్టర్ వేదికగా అధికారికంగా ప్రకటించారు మేకర్స్. జీఏ2 బ్యానర్ పై బన్నీవాసు, వాసు వర్మ సంయుక్తంగా నిర్మించిన ఈ సినిమాకి పూజా హెగ్డే గ్లామర్ హైలైట్ గా నిలిచిపోయింది. ఇక అక్కినేని అఖిల్ కు ఈ సినిమా తన కెరీర్ లోనే మొట్టమొదటి మెమరబుల్ హిట్టైంది. మరి అల్లు అర్జున్ రాకతో బ్యాచ్ లర్ గ్రాండ్‌సక్సెస్ ఈవెంట్ ఏ రేంజ్ లో సక్సెస్ అవుతుందో చూడాలి.