అభిమన్యుడు కాదు...అర్జునుడు

‘బలైపోవడానికి నేను అభిమన్యుణ్ణి కాదు...అర్జునుడిని’ అంటున్నారు హీరో శ్రీ విష్ణు.  ఆయన  కథానాయకుడిగా నటిస్తున్న తాజా చిత్రం ‘అర్జున ఫల్గుణ’. అమృతా అయ్యర్‌ కథానాయిక. తేజా మార్ని దర్శకత్వంలో నిరంజన్‌ రెడ్డి, అన్వేష్‌రెడ్డి నిర్మిస్తున్నారు. ఈ చిత్రం టీజర్‌ను మంగళవారం చిత్రబృందం విడుదల చేసింది. కదనరంగంలోకి దిగిన శ్రీ విష్ణు పవర్‌ఫుల్‌ డైలాగ్‌లు ఆకట్టుకున్నాయి. త్వరలో ఈ చిత్రాన్ని థియేటర్లలో విడుదల చేస్తామని నిర్మాతలు తెలిపారు. నరేష్‌, శివాజీరాజా, దేవి ప్రసాద్‌ కీలకపాత్రల్లో నటిస్తున్నారు. సంగీతం: ప్రియదర్శన్‌ బాలసుబ్రహ్మణ్యన్‌