అప్పటి వరకు ఆమిర్ ఫోన్ వదిలేస్తాడట!
ABN, First Publish Date - 2021-02-02T19:49:21+05:30
బాలీవుడ్ స్టార్ హీరో ఆమిర్ ఖాన్‌ను అందరూ మిస్టర్ పర్ఫెక్షనిస్టు అంటారు.
బాలీవుడ్ స్టార్ హీరో ఆమిర్ ఖాన్‌ను అందరూ మిస్టర్ పర్ఫెక్షనిస్టు అంటారు. తను అనుకున్న విధంగా వచ్చే వరకు సినిమా కోసం ఎంత కష్టమైనా పడతాడు. ఎలాంటి నిర్ణయమైనా తీసుకుంటాడు. తన కొత్త సినిమా `లాల్ సింగ్ చద్దా` కోసం ఆమిర్ తాజాగా అలాంటి కఠిన నిర్ణయమే తీసుకున్నాడట. ఈ సినిమా విడుదలయ్యే వరకు తన మొబైల్ ఫోన్‌ను వాడకూడదని నిర్ణయించుకున్నాడట.
తన ఏకాగ్రత పూర్తిగా సినిమా మీదే ఉండాలనే ఉద్దేశంతో ఆమిర్ తన ఫోన్‌ను స్విచ్ఛాఫ్ చేసి పక్కన పెట్టేశాడట. `లాల్ సింగ్ చద్దా` విడుదలయ్యే వరకు దాని జోలికి వెళ్లకూడదని నిర్ణయించుకున్నాడట. హాలీవుడ్ క్లాసిక్ `ఫారెస్ట్ గంప్` ఆధారంగా తెరకెక్కుతున్న ఈ చిత్రం క్రిస్‌మస్ సందర్భంగా ఈ ఏడాది డిసెంబర్ 25న విడుదల కాబోతోంది. కరీనా కపూర్ ఈ సినిమాలో హీరోయిన్‌గా నటిస్తోంది.