కూతురికి `రాధ` అనే పేరు పెట్టడానికి గల కారణం ఏంటో చెప్పిన Shriya Saran!
ABN, First Publish Date - 2021-10-19T19:36:11+05:30
తెలుగు, తమిళ భాషల సినిమాల్లో సుదీర్ఘ కాలం పాటు స్టార్ హీరోయిన్‌గా ఓ వెలుగు వెలిగింది శ్రియా శరణ్.
తెలుగు, తమిళ భాషల సినిమాల్లో సుదీర్ఘ కాలం పాటు స్టార్ హీరోయిన్‌గా ఓ వెలుగు వెలిగింది శ్రియా శరణ్. ఇప్పటికీ ఆమె సీనియర్ హీరోల సినిమాల్లో అవకాశాలు దక్కించుకుంటోంది. రష్యాకు చెందిన వ్యాపారవేత్త ఆండ్రీ కోస్చీవ్‌ను వివాహం చేసుకున్న శ్రియ ఓ చిన్నారికి తల్లి అయింది. డెలివరీ అయ్యే వరకు తన ప్రెగ్నెన్సీ విషయాన్ని రహస్యంగా ఉంచి ఒక్కసారిగా శ్రియ అందరికీ షాకిచ్చింది. అంతేకాదు తన కూతురికి `రాధ` అని పేరు పెట్టి మరింత షాకిచ్చింది.
తన కూతురికి రష్యన్ సాంప్రదాయం ప్రకారం కాకుండా హిందూ మతానికి చెందిన పేరు పెట్టింది. తన కూతురికి `రాధ` అనే పేరు పెట్టడం వెనుక గల కారణాన్ని శ్రియ తాజాగా వెల్లడించింది. `నాకు ప్రసవం అయిన తర్వాత మా అమ్మకి ఫోన్ చేశాను. నాకు ఆడపిల్ల పుట్టిందనే విషయం తెలుసుకున్న అమ్మ.. `అయితే రాధా రాణి వచ్చేసిందన్న మాట` అని యథాలాపంగా అంది. ఆ మాటలు విన్న ఆండ్రీ.. `ఆమె రష్యన్ భాషలో ఏమి చెప్పింది` అని అడిగాడు. దానికి నేను.. `ఆమె రష్యన్ మాట్లాడలేదు.. మన పాపను రాధా రాణి అని పిలిచింద`ని చెప్పాను. దాంతో `రష్యన్ భాషలో `రాధ` అంటే సంతోషం అనే అర్థముంద`ని ఆండ్రీ చెప్పాడు. దాంతో పాపకు ఆ పేరు పెట్టామ`ని శ్రియ చెప్పింది.