Samanthaను బాలీవుడ్‌కు తీసుకు వెళుతున్న Taapsee?

అక్కినేని నాగచైతన్య నుంచి విడాకులు తీసుకున్న తర్వాత సమంత కెరీర్‌పై పూర్తి ఫోకస్ పెట్టింది. వరుసబెట్టి సినిమాలు చేసేందుకు ప్రయత్నిస్తోంది. తెలుగులో `శాకుంతలం`, తమిళంలో `కాతువాక్కుల రెండు కాదల్` సినిమాలను విడుదలకు సిద్ధం చేస్తోంది. అలాగే తెలుగులో మరో సినిమాకు కూడా గ్రీన్ సిగ్నల్ ఇచ్చింది. ఇక, `ఫ్యామిలీమేన్-2`తో హిందీ ప్రేక్షకులను కూడా ఆకట్టుకున్న సమంత బాలీవుడ్ ప్రయత్నాలను కూడా ముమ్మరం చేసిందట. 

తెలుగు నుంచి బాలీవుడ్‌కు వెళ్లి స్టార్ హీరోయిన్‌గా ఎదిగిన తాప్సీ ఈ విషయంలో సమంతకు సహాయం చేస్తోందట. తాప్సీ తన స్వంత నిర్మాణ సంస్థపై మహిళా ప్రాధాన్యమున్న సినిమాను నిర్మించాలని భావిస్తోందట. ఆ సినిమాలో కథానాయికగా సమంతను తీసుకోబోతోందట. ఇప్పటికే ఇద్దరి మధ్య చర్చలు జరిగినట్టు వార్తలు వస్తున్నాయి. ఇది, హీరోయిన్ ఓరియెంటెడ్ థ్రిల్లర్ మూవీ అని తెలుస్తోంది. త్వరలోనే ఈ సినిమాకు సంబంధించి అధికారిక సమాచారం రాబోతున్నట్టు సమాచారం.