దీపికా మూవీ ‘83’పై కేసు.. అది ప్రచార గిమ్మిక్కు మాత్రమేనంటూ..
ABN, First Publish Date - 2021-12-14T16:19:40+05:30
హిందీ సినీ పరిశ్రమ ఎంతో ఆతృతగా ఎదురుచూస్తున్న మూవీ ‘83’. కపిల్ దేవ్ బయోపిక్‌గా వస్తున్న ఈ సినిమాలో కపిల్ పాత్రలో రణ్‌వీర్ సింగ్, ఆయన భార్య రోమి భాటియా పాత్రలో దీపికా పదుకొనే నటిస్తోంది.
హిందీ సినీ పరిశ్రమ ఎంతో ఆతృతగా ఎదురుచూస్తున్న మూవీ ‘83’. కపిల్ దేవ్ బయోపిక్‌గా వస్తున్న ఈ సినిమాలో కపిల్ పాత్రలో రణ్‌వీర్ సింగ్, ఆయన భార్య రోమి భాటియా పాత్రలో దీపికా పదుకొనే నటిస్తోంది. 1983లో ప్రపంచకప్‌ గెలిచిన టీమ్‌లోని క్రికెట్ స్టార్స్ పాత్రలో ఎంతోమంది బాలీవుడ్ స్టార్స్ నటిస్తున్నారు.
అయితే ఇటీవలే ఈ సినిమా మేకర్స్‌పై తెలంగాణ హైకోర్టులో యూఏఈ బేస్ట్ కంపెనీ ఛీటింగ్ కేసు ఫైల్ చేసింది. ఈ కేసుపై విబ్రీ మీడియా ఓ స్టెట్‌మేంట్‌ని విడుదల చేసింది. అందులో.. కేసు పెట్టిన ఫ్యూచర్ రిసోర్సెస్ ఎఫ్‌జెడ్‌ఈకి వారి కంపెనీలో చాలా తక్కువ షేర్ ఉందని తెలిపింది. వారి కంప్లైంట్స్ అబద్ధం, నిరాధారమని.. అవి కేవలం ప్రచారం కోసమే అలా చేస్తోందని చెప్పింది.
ఆ స్టేట్‌మెంట్‌లో.. ‘ఈ సినిమా విడుదలకు ముందు ఫ్యూచర్ రిసోర్సెస్ కావాలనే కంప్లైట్ ఫైల్ చేసింది. ఇది కేవలం ప్రచార గిమ్మిక్కు మాత్రమే. దీనిపై విబ్రీ మీడియా ప్రైవేట్ లిమిటెడ్ ఈ ఫిర్యాదుపై న్యాయపరమైన పరిష్కారాలకు శోధిస్తోంది. ‘83’ మూవీ మేకర్స్ త్వరలోనే ఆ అబద్ధపు కంప్లైంట్‌పై సరైన చర్యలు తీసుకుంటార’ని తెలిపారు.