మరోసారి ‘ రైడ్ ’ చేస్తామంటున్న Kumar Mangat Pathak
ABN, First Publish Date - 2021-12-29T21:44:02+05:30
భిన్న రకాల పాత్రలకు కేరాఫ్ అడ్రస్‌గా నిలిచిన నటుడు అజయ్ దేవగణ్. అతడు హీరోగా తెరకెక్కిన సినిమా రైడ్. ఇలియానా హీరోయిన్‌గా నటించింది
భిన్న రకాల పాత్రలకు కేరాఫ్ అడ్రస్‌గా నిలిచిన నటుడు అజయ్ దేవగణ్. అతడు హీరోగా తెరకెక్కిన సినిమా రైడ్. ఇలియానా హీరోయిన్‌గా నటించింది. 2018లో విడుదలైన ఈ చిత్రం బాక్సాఫీస్ హిట్‌గా నిలిచింది. ఒక రియల్ కథను ఆధారంగా చేసుకుని రైడ్ సినిమాను నిర్మించారు . ఆ సినిమాకు సీక్వెల్‌ను తెరకెక్కిస్తామని తాజాగా నిర్మాత కుమార్ మంగత్ పాఠక్ తెలిపారు.
కాన్పూర్, కనౌజ్ ప్రాంతాలల్లో ఫర్‌ఫ్యూమ్ వ్యాపారం చేసే పీయూష్ జైన్ జీవితం ఆధారంగా సినిమాను నిర్మిస్తామని పాఠక్ వెల్లడించారు. ఈ మధ్యనే పీయూష్ జైన్ ఇంటిపై డైరెక్టరేట్ జనరల్ ఆఫ్ జీఎస్‌టీ ఇంటెలిజెన్స్(డీజీజీఐ) అధికారులు రైడ్స్ చేశారు. ఈ రైడ్స్ ఆధారంగా సినిమాను తెరకెక్కిస్తామన్నారు. వారాణాసిలో కాశీ ఫిలిం ఫెస్టివల్ మెదటి ఎడిషన్ జరిగింది. ప్యానెల్ చర్చలో భాగంగా సినిమాకు స్వీక్వెల్‌ను తెరకెక్కిస్తామని ప్రకటించారు. కొన్ని రోజుల క్రితమే పీయుష్ జైన్ ఇల్లు, ఫ్యాక్టరీపై డీజీజీఐ అధికారులు రైడ్స్ చేశారు. ఈ రైడ్స్‌లో 25కేజీల బంగారం, పావుకిలో వెండి, రూ.257కోట్ల నగదును అధికారులు స్వాధీనం చేసుకున్నారు.