తనను రహస్యంగా వీడియో తీయడం గమనించిన John Abraham.. ఆ తర్వాత అతడు చేసిన పనికి ఆశ్చర్యపోయిన నెటిజన్లు
ABN, First Publish Date - 2021-11-20T00:12:44+05:30
యాక్షన్ చిత్రాల్లో తనకు ఎవరూ సాటిరారని నిరూపించుకున్న నటుడు జాన్ అబ్రహాం. తాజాగా అతడి వీడియో ఒకటి నెట్టింట తెగ వైరల్‌గా మారింది
యాక్షన్ చిత్రాల్లో తనకు ఎవరూ సాటిరారని నిరూపించుకున్న నటుడు జాన్ అబ్రహాం. తాజాగా అతడి వీడియో ఒకటి నెట్టింట తెగ వైరల్‌గా మారింది. దీంతో అభిమానులు ఆ వీడియోను షేర్ చేయడం మొదలెట్టారు. ఇంతకీ ఆ వీడియోలో ఏముందో ఓ లుక్కేద్దాం..
జాన్ అబ్రహాం తన స్నేహితుడు, కుక్కతో రోడ్డు మీద నడుచుకుంటూ వస్తున్నాడు. బైక్ మీద ఉన్న ఇద్దరు అభిమానులు అతడిని రహస్యంగా వీడియో తీయడం మొదలుపెట్టారు. తనను వీడియో తీయడం చూసిన జాన్ అబ్రహాం ఆ తర్వాత ఏం చేశాడో తెలిస్తే మీరు ఆశ్చర్యపోతారు. తన అభిమానులపై కోపాన్ని చూపెట్టకుండా ఫోన్‌ను వారి నుంచి లాక్కున్నాడు. అనంతరం వీడియోను రికార్డ్ చేస్తూ అందరికీ హాయ్ అని చెప్పాడు. ఆ అభిమానులను సైతం మీరు బాగానే ఉన్నారు కదా అని అడిగాడు.
జాన్ అబ్రహాం ప్రస్తుతం సత్యమేవజయతే-2 చిత్రంలో నటిస్తున్నాడు. ఆ చిత్రానికి మిలాప్ జావేరీ దర్శకత్వం వహించారు. ఈ సినిమా నవంబర్ 25న థియేటర్లల్లో విడుదల కానుంది. అన్యాయానికి వ్యతిరేకంగా పోరాడే వ్యక్తిగా ఆ సినిమాలో అతడు కనిపించనున్నాడు. ఈ మూవీలో రాజీవ్ పిళ్లై, అనుప్ సోనీ, సాహిల్ వైద్ తదితరులు కీలక పాత్రలు పోషించారు.