శేఖర్ కమ్ములతో వెంకటేష్?

రెగ్యులర్ కమర్షియల్ చిత్రాలకు భిన్నంగా తనదైన శైలిలో సినిమాలు తెరకెక్కించే దర్శకుడు శేఖర్ కమ్ములకు టాలీవుడ్‌లో ప్రత్యేక గుర్తింపు ఉంది. శేఖర్ కమ్ముల ప్రస్తుతం నాగచైతన్య, సాయి పల్లవి హీరోహీరోయిన్లుగా `లవ్‌స్టోరీ` సినిమాను తెరకెక్కిస్తున్నారు. 

`లవ్‌స్టోరీ` తర్వాత శేఖర్ తెరకెక్కించబోయే సినిమాలో సీనియర్ హీరో వెంకటేష్ నటించబోతున్నారని వార్తలు వస్తున్నాయి. లాక్‌డౌన్ సమయంలో శేఖర్ ఈ స్క్రిప్టు సిద్ధం చేశారట. ఇటీవల వెంకీని కలసి కథ వినిపించారట. కథ నచ్చడంతో వెంకీ గ్రీన్‌సిగ్నల్ ఇచ్చినట్టు తెలుస్తోంది. వెంకీ ప్రస్తుతం శ్రీకాంత్ అడ్డాల రూపొందిస్తున్న `నారప్ప` చిత్రంలో నటిస్తున్నారు.