వెబ్ సిరీస్‌లో సాయిపల్లవి?

తన నాట్యంతోనూ, అభినయంతోనూ దక్షిణాది ప్రేక్షకులను ఫిదా చేసింది సాయిపల్లవి. గ్లామరస్ పాత్రల్లో నటించకపోయినా సాయిపల్లవికి ఏమాత్రం అవకాశాలు తగ్గడం లేదు. నటనకు అవకాశం ఉన్న ఏ పాత్ర అయినా సాయిపల్లవిని వెతుక్కుంటూ వస్తోంది. 

ప్రస్తుతం చేతి నిండా సినిమాలతో బిజీగా ఉన్న సాయిపల్లవి డిజిటల్ ప్లాట్‌ఫామ్‌పై కూడా దృష్టి సారించిందట. తమిళ ప్రముఖ దర్శకుడు వెట్రిమారన్ రూపొందించనున్న ఓ వెబ్ సిరీస్‌లో నటించేందుకు ఓకే చెప్పిందట. వెట్రిమారన్ సినిమాల తరహాలోనే సామాజిక ఇతివృత్తంతో ఈ వెబ్ సిరీస్ రూపొందనుందట. సీనియర్ నటుడు ప్రకాష్ రాజ్ ఈ వెబ్ సిరీస్‌లో కీలక పాత్ర పోషిస్తున్నారట.