ఈ గ్లామర్‌ బ్యూటీని ఎవరూ పట్టించుకోవడం లేదేంటి?

సినిమా ఇండస్ట్రీ అంటేనే రంగుల ప్రపంచం. ఇక్కడ హిట్ అయిన వాళ్ల పేరే ఎక్కువగా వినిపిస్తుంది. ప్లాప్ అయితే అడ్రస్ గల్లంతయినట్లే. ప్రస్తుతం ఇటువంటి పరిస్థితులనే ఎదుర్కొంటోంది ఓ హాట్ బ్యూటీ. లాస్ట్ వన్ ఇయర్ నుంచి సింగిల్ ఆఫర్ కోసం పడరాని పాట్లు పడుతోంది. ఇంతకీ ఎవరా హాట్‌ బ్యూటీ అనుకుంటున్నారు కదా..! టాలీవుడ్‌లో కెరటంలా ఎగిరిపడిన బ్యూటీ.. కుమారి 21 ఎఫ్ తో బ్లాక్ బస్టర్ హిట్ అందుకొని టాక్ ఆఫ్ ది ఇండస్ట్రీగా నిలిచిన హెబ్బా పటేల్‌. రాజ్ తరుణ్, నిఖిల్, రామ్ లాంటి యంగ్ హీరోలకి పర్‌ఫెక్ట్ జోడి అని కామెంట్స్  సొంతం చేసుకుంది. దానికి  తగ్గట్టే హెబ్బాకి మంచి ఆఫర్స్ వచ్చాయి. వరుణ్ తేజ్‌తో 'మిస్టర్', నిఖిల్‌తో 'కేశవ', అరుణ్ ఆదిత్‌తో '24 కిస్సెస్'లో నటించి బోల్డ్ పర్ఫార్మెన్స్‌తో యూత్‌కి బాగానే కనెక్ట్ అయ్యింది. కానీ సినిమాల ఎంపికలో.. ముఖ్యంగా తన పాత్ర విషయంలో అస్సలు ఆలోచించకుండా వెళ్లిపోవడంతో.. ఇప్పుడు బాధపడుతోంది.

'24 కిస్సెస్' సినిమాలో హెబ్బా ఓ రేంజ్ లో ముద్దులు కురిపించినా ఆ ఘాటు ఆడియన్స్ ని మెప్పించలేకపోయింది. ఇక కరోనా ఎఫెక్ట్ తన కెరీర్ ని మరింత వెనక్కి నెట్టింది. సరిగ్గా ఇదే సమయంలో కృతి శెట్టి, నేహ శర్మ, కేతిక శర్మ వంటి యంగ్ బ్యూటీస్ టాలీవుడ్‌లో ఎంట్రీ ఇచ్చి హెబ్బా ప్లేస్‌ని రీప్లేస్ చేసేస్తున్నారు. తమ గ్లామర్ తో అవకాశాలు దక్కించుకుంటున్నారు. దీంతో హెబ్బా లాంటి వాళ్ళని హీరోయిన్లుగా చూసేవారే కరువయ్యారు. హెబ్బా పటేల్ గ్లామర్ హీరోయిన్ అలాగే టాలెంటెడ్ కూడా. అందానికి ఏం తక్కువ లేదు, అలాగే వాటిని ప్రదర్శించడానికి కూడా వెనుకాడే మనస్థత్వం కాదు. ఎలాంటి పాత్రలకైనా అడ్డు చెప్పదు. అయినా హెబ్బాకి టాలీవుడ్‌లో మంచి అవకాశాలు మాత్రం రావడం లేదు. ఇప్పుడామె స్థాయి స్పెషల్‌ సాంగ్‌లకు పడిపోయిందంటే.. హెబ్బా క్రేజ్‌ ఎలా పడిపోయిందో అర్థం చేసుకోవచ్చు. రామ్ నటిస్తున్న రెడ్ సినిమాలో ఆమె స్పెషల్ సాంగ్ చేసింది. ఈ సినిమా విడుదలైన తర్వాత ఐటంగాళ్‌గానైనా హెబ్బా బిజీ అవుతుందేమో చూడాలి. అలాగే వెబ్‌ సిరీస్‌ల వైపు కూడా అమ్మడు అడుగేస్తుంది. అక్కడైనా బిజీ తారగా మారుతుందేమో చూద్దాం.