చిన్ననాటి స్నేహితురాలితో శర్వా పెళ్లి?

టాలీవుడ్ యంగ్ హీరో శర్వానంద్ కూడా త్వరలో పెళ్లి పీటలు ఎక్కబోతున్నాడా? తన చిన్ననాటి స్నేహితురాలిని పెళ్లి చేసుకోబోతున్నాడా? అవుననే అంటున్నాయి టాలీవుడ్ వర్గాలు. ఈ కరోనా సమయంలో టాలీవుడ్‌కు చెందిన పలువురు యంగ్ హీరోలు వివాహాలు చేసుకున్నారు. శర్వా కూడా అదే బాటలో నడవబోతున్నాడట. 

తన చిన్ననాటి స్నేహితురాలైన ఓ యువ పారిశ్రామికవేత్తతో శర్వా కొద్ది కాలంగా ప్రేమయాణం సాగిస్తున్నాడట. వారి ప్రేమకు ఇరు కుటుంబాల పెద్దలూ అంగీకారం తెలిపారట. త్వరలోనే ముహూర్తం ఫిక్స్ చేసి అధికారిక ప్రకటన విడుదల చేస్తారని వార్తలు వస్తున్నాయి. మరి, ఇందులో నిజమెంతుందో తెలియాలంటే శర్వా స్పందించాల్సిందే.