కన్‌ఫ్యూజన్‌లో మాటల మాంత్రికుడు

అదేంటి? ‘అల వైకుంఠపురములో’ సినిమా బ్లాక్‌ బస్టర్‌ కదా....ఇంక కన్‌ఫ్యూజన్‌ ఎందుకు? అన్న అనుమానం వస్తోంది కదూ...నిజమే...సినిమా సూపర్‌ డూపర్‌ సక్సెస్‌ అయితే ఆ సినిమా దర్శకుడి తరువాత సినిమా మీదే అందరి కళ్ళు ఉంటాయి. ఎవరితో? ఎలాంటి సినిమా తీస్తాడని అందరూ ఎదురు చూస్తుంటారు. ఈ పరిస్థితి ఆ దర్శకుడిని కొద్దిగా అయోమయంలో పడేస్తుంది. సరిగ్గా ఇలాంటి పరిస్థితిలోనే ఉన్నారు మాటల మాంత్రికుడు త్రివిక్రమ్‌. ఆయన తరువాతి సినిమా ఏ హీరోతో చేస్తారని సినీజనాలు ఆసక్తిగా ఎదురుచూస్తున్నారు. అయితే ఈ విషయంలో త్రివిక్రమ్‌ ఇంకా ఏ నిర్ణయానికి రాలేదట! ఆయన దృష్టిలో ఇద్దరు బడా హీరోలున్నారు. వారిలో ఎవరితో సినిమా చేస్తే బాగుంటుందన్న కన్‌ఫ్యూజన్‌లో ఆయన ఉన్నారట.