చైతును డైరెక్ట్‌ చేయనున్న స్టార్‌ యాక్టర్‌..?

ఇప్పటికే శేఖర్‌ కమ్ముల దర్శకత్వంలో 'లవ్‌స్టోరి' సినిమాను పూర్తి చేసే పనిలో బిజీగా ఉన్న నాగచైతన్య తదుపరి విక్రమ్ కుమార్‌ దర్శకత్వంలో 'థాంక్యూ' సినిమాలో నటించబోతున్న సంగతి తెలిసిందే. ఈ చిత్రాన్ని దిల్‌రాజు నిర్మిస్తున్నారు. కాగా.. చైతన్య మరో కొత్త సినిమా చేయడానికి ఓకే చెప్పినట్లు వార్తలు నెట్టింట హల్‌చల్‌ చేస్తున్నాయి. ఆసక్తికరమైన విషయమేమంటే నాగచైతన్యను ఓ సీనియర్‌ హీరో డైరెక్ట్‌ చేయబోతున్నారట. ఇంతకూ ఈ సీనియర్‌ హీరో ఎవరో కాదు.. అర్జున్‌ సారా. తెలుగు, తమిళ, కన్నడ ప్రేక్షకులకు సుపరిచితుడైన అర్జున్‌. ఇది వరకు కొన్ని సినిమాలను అర్జున్‌ డైరెక్ట్‌ చేసిన సంగతి తెలిసిందే. అయితే తొలిసారి ఓ టాలీవుడ్‌ స్టార్‌ను డైరెక్ట్‌ చేయనున్నాడు అర్జున్‌. రీసెంట్‌గా అర్జున్‌ చెప్పిన పాయింట్‌ నచ్చడంతో చైతన్య సినిమా చేయడానికి రెడీ అన్నారని సమాచారం. మరి ఇందులో నిజానిజాలు తెలియాలంటే కొన్నిరోజులు ఆగాల్సిందే.