విలన్ పాత్రలో అనసూయ?

బుల్లితెర మీద హాట్ యాంకర్‌గా తనకంటూ ప్రత్యేక గుర్తింపు సంపాదించుకుంది అనసూయ. బుల్లితెర మీద పలు కార్యక్రమాలతో బిజీగా ఉన్న అనసూయ వెండితెరపై కూడా సత్తా చాటుతోంది. `రంగస్థలం` సినిమాలో రంగమ్మత్తగా అనసూయ నటన ప్రేక్షకులను ఆకట్టుకున్న సంగతి తెలిసిందే. ప్రస్తుతం అనసూయ ఖాతాలో పలు సినిమాలున్నాయట. 

అల్లు అర్జున్-సుకుమార్ కాంబినేషన్‌లో తెరకెక్కబోతున్న సినిమాలో అనసూయకు కీలక పాత్ర లభించినట్టు సమాచారం. అలాగే పవర్‌స్టార్ పవన్‌కల్యాణ్-క్రిష్ కలయికలో రూపొందబోతున్న సినిమాలోనూ అనసూయ ఛాన్స్ దక్కించుకుందట. ఇక, యంగ్ హీరో విజయ్ దేవరకొండ నిర్మించనున్న ఓ చిత్రంలో కూడా అనసూయ నటించబోతోందట. ఈ సినిమాలో అనసూయది విలన్ రోల్ అని తెలుస్తోంది. గతంలో `క్షణం` సినిమాలో అనసూయ ప్రతినాయకురాలిగా కనిపించిన సంగతి తెలిసిందే. మరోసారి ఆ తరహా పాత్రకు అనసూయ ఓకే చెప్పిందట. ఈ సినిమాకు సంబంధించిన మరిన్ని వివరాలు త్వరలోనే బయటకు రానున్నాయట.