వివాదంలో ‘కాక్‌టెయిల్‌’ పోస్టర్‌
ABN , First Publish Date - 2020-02-04T15:57:39+05:30 IST
ఇటీవల కాలంలో హిందూ దేవతల్ని కించపరిచేలా సినిమాల్లో సన్నివేశాలుంటున్నాయనే ఆరోపణలు వస్తున్న తరుణంలో
ఇటీవల కాలంలో హిందూ దేవతల్ని కించపరిచేలా సినిమాల్లో సన్నివేశాలుంటున్నాయనే ఆరోపణలు వస్తున్న తరుణంలో.. తమిళంలో సోమవారం విడుదల చేసిన ‘కాక్‌టెయిల్‌’ సినిమా పోస్టర్‌ ఈ వివాదాన్ని మరింత రగిల్చింది. విజయ్‌ మురుగన్‌ దర్శకత్వంలో యోగిబాబు ప్రధాన పాత్రలో తెరకెక్కుతున్న చిత్రం ‘కాక్‌టెయిల్‌’. టైటిల్‌ మద్యానికి సంబంధించిన పదం. అయితే పోస్టర్‌లో తమిళంలో ఆరాధించే దైవం మురుగన్‌ వేషధారణలో ఉన్న యోగిబాబు స్టిల్‌ చూసి టైటిల్‌కి, ఈ పోస్టర్‌కి ఏమైనా సంబంధం ఉందా అని ప్రశ్న తలెత్తింది. ‘కాక్‌టెయిల్‌’ టైటిల్‌గా ఉన్న సినిమాకి ఇలాంటి పోస్టర్‌ విడుదల చేయడం ఏమిటని పలువురు బహిరంగంగానే విమర్శిస్తునారు.
అయితే ఎవరి మనోభావాల్ని కించపరిచేలా ఈ సినిమా కథగానీ, పోస్టరుగానీ రూపొందించ లేదని, తాను కూడా మురుగన్‌ భక్తుడినేనని, తన పేరులోనూ మురుగన్‌ ఉందని దర్శకుడు విజయ్‌ మురుగన్‌ వివరణ ఇచ్చారు. సినిమాలో యోగిబాబు కూడా మురుగన్‌ భక్తుడిగానే నటిస్తున్నారని, సినిమా చూశాక అందరూ హర్షిస్తారని పేర్కొన్నారు.