డబ్బింగ్ స్టార్ట్ చేసిన విజయ్ సేతుపతి!!
ABN , First Publish Date - 2020-07-31T19:54:50+05:30 IST
విజయ్ సేతుపతి, శృతిహాసన్ హీరో హీరోయిన్లుగా రూపొందుతోన్న చిత్రం ‘లాభం’. ఈ సినిమాకు సంబంధించిన డబ్బింగ్ కార్యక్రమాలను మొదలు పెట్టారు విజయ్ సేతుపతి.
![డబ్బింగ్ స్టార్ట్ చేసిన విజయ్ సేతుపతి!!](https://media.chitrajyothy.com/appimg/galleries/202007310221103/07312020142440n45.jpg)
లాక్డౌన్ నుండి సినిమా షూటింగ్లకు విధివిధానాలతో అనుమతి ఇచ్చిన ప్రభుత్వాలు నిర్మాణాంతర కార్యక్రమాలు కూడా పూర్తి చేసుకోవడానికి అనుమతలు ఇచ్చిన సంగతి తెలిసిందే. అందులో భాగంగా విజయ్ సేతుపతి, శృతిహాసన్ హీరో హీరోయిన్లుగా రూపొందుతోన్న చిత్రం ‘లాభం’. ఈ సినిమాకు సంబంధించిన డబ్బింగ్ కార్యక్రమాలను మొదలు పెట్టారు విజయ్ సేతుపతి. విజయ్ సేతుపతి నిర్మాణ సంస్థతో పాటు 7పీఎస్ ఎంటర్టైన్మెంట్ బ్యానర్స్పై ‘లాభం’ సినిమా నిర్మితమవుతోంది. జననాథన్ దర్శకుడు. ఈ సినిమా షూటింగ్ దాదాపు పూర్తి కావచ్చింది. మిగిలిన షూటింగ్ పూర్తి చేసేలోపు సినిమా డబ్బింగ్, ఇతర పోస్ట్ ప్రొడక్షన్ కార్యక్రమాలను పూర్తి చేయాలని మేకర్స్ భావించడంతో డబ్బింగ్ కార్యక్రమాలు స్టార్ట్ అయ్యాయి.