15 కిలోలు తగ్గిన విజయ్ ఆంటోని
ABN , First Publish Date - 2020-08-02T19:29:14+05:30 IST
‘బిచ్చగాడు 2’ చిత్రం కోసం హీరో విజయ్ ఆంటోని బరువు తగ్గి స్లిమ్గా తయారయ్యారు. విజయ్ ఆంటోని నటించిన చిత్రాలలో ‘బిచ్చగాడు’ కలెక్షన్ల వర్షం కురిపించింది.
![15 కిలోలు తగ్గిన విజయ్ ఆంటోని](https://media.chitrajyothy.com/appimg/galleries/202008020157337/08022020135853n9.jpg)
‘బిచ్చగాడు 2’ చిత్రం కోసం హీరో విజయ్ ఆంటోని బరువు తగ్గి స్లిమ్గా తయారయ్యారు. విజయ్ ఆంటోని నటించిన చిత్రాలలో ‘బిచ్చగాడు’ కలెక్షన్ల వర్షం కురిపించింది. ఈ నేపథ్యంలో ‘పిచ్చైక్కారన్’ రెండో భాగం తీయడానికి విజయ్ ఆంటోని సొంత చిత్రనిర్మాణ సంస్థ సిద్ధమైంది. ‘పిచ్చైక్కారన్-2’గా తమిళంలో, ‘బిచ్చగాడు 2’గా తెలుగులో సినిమా రూపొందుతుంది. ఈ చిత్రాన్ని జాతీయ అవార్డు పొందిన ‘భారమ్’ చిత్ర డైరెక్టర్ ప్రియా కృష్ణసామి దర్శకత్వం వహిస్తున్న సంగతి తెలిసిందే. ఈ చిత్ర నిర్మాత ఫాతిమా విజయ్ ఆంటోని మాట్లాడుతూ విజయ్ ఆంటోని సరసన నిత్యామేనన్ను హీరోయిన్గా ఎంపిక చేయాలని అనుకుంటున్నామన్నారు. నిత్యామేనన్ కాల్షీట్లు లభించకపోతే ఆమెలాగే నటించగల మరో హీరోయిన్ను ఎంపిక చేస్తామన్నారు. ఈ చిత్రం కోసం విజయ్ ఆంటోని కఠోర వ్యాయామంతో 15 కిలోలు బరువు తగ్గారని ఆమె తెలిపారు.