మెగా హీరో సినిమాను కన్ఫర్మ్ చేసిన ఉపేంద్ర
ABN , First Publish Date - 2020-04-28T17:39:29+05:30 IST
వరుణ్ తేజ్ హీరోగా కిరణ్ కొర్రపాటి దర్శకత్వంలో తెరకెక్కుతోన్న చిత్రం. ఇందులో ఉపేంద్ర కీలక పాత్రలో నటించబోతున్నానని తెలిపారు.
![మెగా హీరో సినిమాను కన్ఫర్మ్ చేసిన ఉపేంద్ర](https://media.chitrajyothy.com/appimg/galleries/2020042812081157/04282020120918n78.jpg)
అల్లు అర్జున్ హీరోగా నటించిన ‘సన్నాఫ్ సత్యమూర్తి’లో కీలక పాత్రలో నటించిన కన్నడ సూపర్స్టార్ ఉపేంద్ర తర్వాత మరో తెలుగు సినిమాలో నటించలేదు. చాలా గ్యాప్ తర్వాత ఆయన మరో తెలుగు సినిమాలో నటించబోతున్నట్లు రీసెంట్ ఇంటర్వ్యూలో తెలిపారు. ఆ తెలుగు సినిమా ఏదో కాదు.. వరుణ్ తేజ్ హీరోగా కిరణ్ కొర్రపాటి దర్శకత్వంలో తెరకెక్కుతోన్న చిత్రం. ఇందులో ఉపేంద్ర కీలక పాత్రలో నటించబోతున్నానని తెలిపారు. కరోనా ప్రభావంతో ఈ సినిమా వైజాగ్ షెడ్యూల్ వాయిదా పడింది. దీంతో జూలై 30న విడుదల చేద్దామనుకున్న సినిమా వాయిదా పడేలా ఉంది. ఈ చిత్రంలో వరుణ్ తేజ్ బాక్సర్ పాత్రలో కనిపించనున్నారు. బాలీవుడ్ బ్యూటీ సయీ మంజ్రేకర్ హీరోయిన్గా నటిస్తోంది.