టైగర్ సరసన తారా సుతారియా!
ABN , First Publish Date - 2020-10-30T20:20:28+05:30 IST
బాలీవుడ్ యాక్షన్ హీరో టైగర్ ష్రాఫ్, హీరోయిన్ తారా సుతారియా జంట మరోసారి బాలీవుడ్ ప్రేక్షకులను అలరించనుంది.
బాలీవుడ్ యాక్షన్ హీరో టైగర్ ష్రాఫ్, హీరోయిన్ తారా సుతారియా జంట మరోసారి బాలీవుడ్ ప్రేక్షకులను అలరించనుంది. ఇప్పటికే `స్టూడెంట్ ఆఫ్ ది ఇయర్-2`లో అద్భుతమైన కెమిస్ట్రీ పండించిన ఈ జంట త్వరలో `హీరోపంతీ-2`లో కలిసి నటించనుంది. ఈ విషయాన్ని తార సోషల్ మీడియా ద్వారా వెల్లడించింది.
తనకు ఎంతో ఇష్టమైన వ్యక్తులతో కలిసి పనిచేస్తుండడం చాలా సంతోషాన్ని కలిగిస్తోందని పేర్కొంది. సాజిద్ నడియాద్‌వాలా నిర్మిస్తున్న ఈ చిత్రాన్ని దర్శకుడు అహ్మద్ ఖాన్ రూపొందించనున్నారు. డిసెంబర్ నుంచి ఈ సినిమా సెట్స్ మీదకు వెళ్లబోతోంది.