తమన్నా తప్పుకోలేదు

కన్నడంలో విజయం సాధించిన ‘లవ్‌ మాక్‌టైల్‌’ చిత్రం తెలుగులో ‘గుర్తుందా శీతాకాలం’ టైటిల్‌తో రీమేక్‌ అవుతున్న సంగతి తెలిసిందే! నాగ శేఖర్‌ దర్శకత్వం వహిస్తున్న ఈ చిత్రంలో తమన్నా, సత్యదేవ్‌ జంటగా నటిస్తున్నారు. గత నెల ఈ సినిమా షూటింగ్‌ ప్రారంభం కావాల్సి ఉంది. అయితే తమన్నా కరోనా బారిన పడడంతో షూటింగ్‌ వాయిదా పడింది. దాంతో డేట్స్‌ అడ్జస్ట్‌ కాక తమన్నా ఈ చిత్రం నుంచి తప్పుకొన్నారన్న వదంతులు గత రెండు రోజులుగా వినిపిస్తున్నాయి. అయితే ఇందులో నిజం లేదని తమన్నా సన్నిహితుల  సమాచారం. ప్రస్తుతం తమన్నా హైదరాబాద్‌లో ఓ వెబ్‌ సిరీస్‌ షూటింగ్‌తో బిజీగా ఉన్నారు. ఈ నెల 9 నుంచి ‘గుర్తుందా శీతాకాలం’ చిత్రీకరణ మొదలవుతుంది. జనవరిలో తమన్నా ఈ సినిమా చిత్రీకరణలో పాల్గొంటారని తెలిసింది. ఈ చిత్రాన్ని నాగ శేఖర్‌తో కలిసి భావన రవి నిర్మిస్తున్నారు.