అవగాహన పెంచే పనిలో భాగమైన సన్నీలియోన్‌

సినీ సెలబ్రిటీలందరూ సామాజిక సేవా కార్యక్రమాల్లో భాగమవుతూ, పలు విషయాలపై అందరిలో అవగాహన పెంచుతున్న విషయాలను మనం గమనిస్తూనే ఉన్నాం. తాజాగా బాలీవుడ్‌ నటి సన్నీలియోన్‌ ఇలాంటి ఓ కార్యక్రమంలో పాలుపంచుకుని తన మంచి మనసుని చాటుకున్నారు. వివరాల్లోకెళ్తే.. మేకప్‌ ఆర్టిస్ట్‌ అర్వా బైగ్‌ తయారు చేసిన ఓ ఇన్‌స్టా వీడియో సన్నీలియోన్ భాగమై బ్రెస్ట్‌ క్యానర్సర్‌కు సంబంధించిన అవగాహన కల్పించారు. ఈ వీడియోలోకాన్సర్‌తో పోరాడుతున్న ముగ్గురు వ్యక్తులు మాట్లాడారు. వారు వ్యక్తిగత, మానసిక పరిస్థితులను వివరించారు. అర్వా వారిని మానసికంగా బలంవంతులుగా చేయడానికి తన వంతుగా సాయాన్ని అందిస్తున్నారు. ఇలాంటి ఓ అవగాహన కార్యక్రమంలో పాల్గొన్న సన్నీలియోన్‌కి అర్వా ధన్యవాదాలు తెలిపారు. సన్నీలియోన్‌ కూడా అర్వా చాలా అద్భుతమైన పనిచేశారంటూ అభినందించారు.