ఆకట్టుకుంటున్న `సోలో బ్రతుకే సో బెటర్` ట్రైలర్!
ABN, First Publish Date - 2020-12-19T21:19:40+05:30
సాయితేజ్ నటించిన `సోలో బ్రతుకే సో బెటర్` ట్రైలర్ తాజాగా విడుదలైంది.
`మన రాజ్యాంగం మనకు స్వేచ్ఛగా బ్రతకమని కొన్ని హక్కులు కల్పించింది. వాటిని మనం ఈ ప్రేమ, పెళ్లి అనే బంధాలతో నాశనం చేస్తున్నాం` అంటున్నాడు మెగా హీరో సాయితేజ్. కొత్త డైరెక్టర్ సుబ్బు దర్శకత్వంలో సాయితేజ్ నటించిన `సోలో బ్రతుకే సో బెటర్` ట్రైలర్ తాజాగా విడుదలైంది. బీవీఎస్ఎన్ ప్రసాద్ నిర్మించిన ఈ చిత్రంలో నభా నటేష్ హీరోయిన్. తమన్ సంగీతం అందించాడు.
సింగిల్‌గానే ఉండాలని ఫిక్సయిన విరాట్ జీవితంలోకి అమృత అనే అమ్మాయి వచ్చిన తర్వాత ఎదురయ్యే పరిస్థితులను ఈ ట్రైలర్‌లో చూపించారు. రావు రమేష్ చెప్పిన డైలాగులు ఆకట్టుకున్నాయి. ట్రైలర్ ఆద్యంతం ఎంటర్‌టైనింగ్‌గా సాగింది. క్రిస్మస్ సందర్భంగా ఈ నెల 25న ఈ సినిమా ప్రేక్షకుల ముందుకు రాబోతోంది.