సోషల్‌ థ్రిల్లర్‌!

ప్రతిభావంతులైన తెలుగు నటుల్లో సుబ్బరాజు ఒకరు. ప్రతినాయకుడిగా, హాస్యనటుడిగా, కీలక పాత్రధారిగా పలు చిత్రాల్లో వైవిధ్యమైన పాత్రలు పోషించారు. త్వరలో ఆయన ఓ ఓటీటీ వేదిక కోసం ప్రత్యేకంగా రూపొందిస్తున్న ఒరిజినల్‌ వెబ్‌ ఫిల్మ్‌లో నటించనున్నారు. దీనికి ‘అసాధ్యుడు’, ‘మిస్టర్‌ నూకయ్య’, ‘రన్‌’ చిత్రాలకు దర్శకత్వం వహించిన అనిల్‌కృష్ణ కన్నెగంటి దర్శకుడు. సోషల్‌ థ్రిల్లర్‌గా ఈ సిరీస్‌ను రూపొందించనున్నారని తెలిసింది. సమాజంలో జరుగుతున్న అంశాలను ప్రస్తావిస్తూనే, అనుక్షణం ఉత్కంఠకు గురిచేసే విధంగా స్ర్కిప్ట్‌ను సిద్ధం చేశారట. త్వరలో చిత్రీకరణ ప్రారంభించడానికి సన్నాహాలు చేస్తున్నారు. ఇందులో సంగీత దర్శకుడు-గాయకుడు, ‘పలాస’ చిత్రంతో నటుడిగా మారిన రఘు కుంచె మరో కీలక పాత్రలో నటించనున్నట్టు తెలిసింది.