సాక్షి అగర్వాల్ కొత్త చిత్రం
ABN , First Publish Date - 2020-10-18T15:43:58+05:30 IST
ప్రముఖ దర్శకుడు ఎస్ఏ చంద్రశేఖర్ దర్శకత్వం వహించనున్న తాజా తమిళ చిత్రంలో సాక్షి అగర్వాల్ నటించనున్నారు.
![సాక్షి అగర్వాల్ కొత్త చిత్రం](https://media.chitrajyothy.com/appimg/galleries/2020101810103534/10182020101349n24.jpg)
'కాలా, విశ్వాసం' చిత్రాలలో నటించిన అందాల భామ సాక్షి అగర్వాల్ తమిళ ప్రేక్షకులను బాగా ఆకట్టుకున్నారు. బిగ్బాస్ సీజన్-3లో పాల్గొని సాక్షి అగర్వాల్ మరింత కీర్తిని గడించారు. ఈ నేపథ్యంలో ప్రముఖ దర్శకుడు ఎస్ఏ చంద్రశేఖర్ దర్శకత్వం వహించనున్న తాజా తమిళ చిత్రంలో సాక్షి అగర్వాల్ నటించనున్నారు. తమిళ సినీ దర్శకుడు సముద్రఖని ప్రధాన పాత్రలో నటించనున్నారు. ఈ చిత్రానికి సంబంధించి దర్శకుడు ఎస్ఏ చంద్రశేఖర్, సముద్రఖనితో కథా చర్చలలో పాల్గొన్న ఫొటోను సాక్షి అగర్వాల్ తన ట్విట్టర్ పేజీలో విడుదల చేశారు. త్వరలో ఈ చిత్రానికి సంబంధించిన అధికారిక వివరాలు వెల్లడవుతాయని ఆమె పేర్కొన్నారు.