‘శ్రీ‌కారం’లో ఏకాంబ‌రంగా సాయికుమార్.. లుక్ రిలీజ్

యంగ్ హీరో శ‌ర్వానంద్ న‌టిస్తోన్న లేటెస్ట్ ఫిల్మ్ ‘శ్రీ‌కారం’ షూటింగ్ చివ‌రిద‌శ‌లో ఉంది. కిశోర్ బి. డైరెక్ట్ చేస్తోన్న ఈ ఫ్యామిలీ ఎంట‌ర్‌టైన‌ర్‌లో హీరోయిన్‌గా ప్రియాంకా అరుళ్ మోహ‌న్ న‌టిస్తున్నారు. సోమ‌వారం (జూలై 27) డైలాగ్ కింగ్ సాయికుమార్ బ‌ర్త్‌డే సంద‌ర్భంగా, ఈ సినిమాలో ఆయ‌న లుక్‌తో కూడిన పోస్ట‌ర్‌ను చిత్ర బృందం విడుద‌ల చేసింది. సాయికుమార్ ఈ చిత్రంలో ఏకాంబ‌రం అనే కీల‌క పాత్ర చేస్తున్నారు. స‌న్న‌ని మీస‌క‌ట్టుతో యంగ్ లుక్‌లో ఆయ‌న‌ క‌నిపిస్తున్నారు. ఇప్పటికే శ‌ర్వానంద్ బ‌ర్త్‌డేకి రిలీజ్ చేసిన ఫ‌స్ట్ లుక్ పోస్ట‌ర్‌, స్పెష‌ల్ టీజ‌ర్‌కు మంచి స్పందన వచ్చిన విషయం తెలిసిందే.

‘గ‌ద్ద‌ల‌కొండ గ‌ణేష్’ వంటి బ్లాక్‌బ‌స్ట‌ర్ త‌ర్వాత 14 రీల్స్ ప్ల‌స్ బ్యాన‌ర్‌పై రామ్ ఆచంట‌, గోపీ ఆచంట నిర్మిస్తోన్న రెండో చిత్రం ‘శ్రీ‌కారం’. అలాగే ‘గ‌ద్ద‌ల‌కొండ గ‌ణేష్‌’కు వండ‌ర్‌ఫుల్ మ్యూజిక్ ఇచ్చిన మిక్కీ జె. మేయ‌ర్ ‘శ్రీ‌కారం’ చిత్రానికీ బాణీలు అందిస్తున్నారు. బుర్రా సాయిమాధ‌వ్ డైలాగ్స్ రాస్తుండ‌గా, జె. యువ‌రాజ్ సినిమాటోగ్రాఫ‌ర్‌గా ప‌నిచేస్తున్నారు. శర్వానంద్‌, ప్రియాంకా అరుళ్ మోహ‌న్‌, రావు ర‌మేష్‌, ఆమ‌ని, న‌రేష్‌, సాయికుమార్‌, ముర‌ళీ శ‌ర్మ‌, స‌త్య‌, స‌ప్త‌గిరి తదితరులు ఈ చిత్రంలో నటిస్తున్న తారాగణం.