ఆ తెలుగు సినిమాకు ఝలక్ ఇచ్చిన సుశాంత్ గర్ల్ఫ్రెండ్ రియా!
ABN , First Publish Date - 2020-08-05T11:38:18+05:30 IST
బాలీవుడ్ నటుడు సుశాంత్ సింగ్ రాజ్పుత్ మృతి అనంతరం అతని గర్ల్ఫ్రెండ్ రియా చక్రవర్తి వార్తల్లో నిలిచారు. రియాపై సుశాంత్ తండ్రి కెకె సింగ్ తీవ్రమైన ఆరోపణలు చేశారు. సుశాంత్ను ఆత్మహత్యకు ప్రేరేపించింది...
![ఆ తెలుగు సినిమాకు ఝలక్ ఇచ్చిన సుశాంత్ గర్ల్ఫ్రెండ్ రియా! ](https://media.chitrajyothy.com/appimg/galleries/2020080505293579/08052020060751n24.gif)
బాలీవుడ్ నటుడు సుశాంత్ సింగ్ రాజ్పుత్ మృతి అనంతరం అతని గర్ల్ఫ్రెండ్ రియా చక్రవర్తి వార్తల్లో నిలిచారు. రియాపై సుశాంత్ తండ్రి కెకె సింగ్ తీవ్రమైన ఆరోపణలు చేశారు. సుశాంత్ను ఆత్మహత్యకు ప్రేరేపించింది రియానేనని కెకె సింగ్ తన ఎఫ్ఐఆర్లో పేర్కొన్నారు. ఈ నేపధ్యంలో ఆమె వ్యక్తిగత, వృత్తి జీవితానికి సంబంధించిన పలు విషయాలు బయటకు వస్తున్నాయి. 2012 లో తెలుగు సినిమా తూనీగ, తూనీగతో కెరీర్ ప్రారంభించిన రియా, 2019 లో మరో తెలుగు చిత్రం సూపర్ మచ్చికి సైన్ చేసింది. ఈ చిత్రంలో మెగాస్టార్ చిరంజీవి అల్లుడు కళ్యాణ్ దేవ్ ప్రధాన పాత్ర పోషిస్తున్నారు. ఈ చిత్ర నిర్మాతలు రియాతో ఒక షెడ్యూల్ను కూడా పూర్తి చేశారు. అలాగే రియా, కళ్యాణ్లతో కూడిన ఒక పోస్టర్ కూడా విడుదల చేశారు, అయితే ఆ తరువాత ఎటువంటి కారణం లేకుండా రియా ఈ ప్రాజెక్ట్ నుంచి తప్పుకున్నారని తెలుస్తోంది. ఆ తరువాత ఈ చిత్ర దర్శకుడు పులి వాసు కన్నడ నటి రచిత రామ్ను ఈ చిత్రంలో ప్రధాన నటిగా తీసుకున్నారు. తరువాత కొన్ని సన్నివేశాలను రచిత, కళ్యాణ్ దేవ్లపై చిత్రీకరించారు. రిజ్వాన్ ఎంటర్టైన్మెంట్ పతాకంపై ఈ చిత్రాన్ని నిర్మిస్తున్నారు. ఈ చిత్రానికి తమన్ సంగీతాన్ని స్వరపరిచారు.