అవును.. ఇదంతా `ఆస్కార్` శాపమే: రసూల్

ABN , First Publish Date - 2020-07-27T22:06:42+05:30 IST

బాలీవుడ్‌లో తనకు అవకాశాలు రాకపోవడం గురించి ప్రఖ్యాత సంగీత దర్శకుడు ఏఆర్ రెహ్మాన్ ఇటీవల సంచలన వ్యాఖ్యలు చేసిన సంగతి తెలిసిందే

అవును.. ఇదంతా `ఆస్కార్` శాపమే: రసూల్

బాలీవుడ్‌లో తనకు అవకాశాలు రాకపోవడం గురించి ప్రఖ్యాత సంగీత దర్శకుడు ఏఆర్ రెహ్మాన్ ఇటీవల సంచలన వ్యాఖ్యలు చేసిన సంగతి తెలిసిందే. రెహ్మాన్ వ్యాఖ్యలకు ప్రముఖ డైరెక్టర్ శేఖర్ కపూర్ స్పందిస్తూ.. `రెహ్మాన్.. నీకు నీ సమస్య తెలుసు. ఆస్కార్‌ గెలవడం అంటే బాలీవుడ్‌లో చావుకు ముద్దు పెట్టడం లాంటిది. బాలీవుడ్‌ హ్యాండిల్‌ చేసేదాని కంటే నువ్వు ఎక్కువ టాలెంట్‌ కలిగి ఉన్నావని దాని అర్థం` అని ట్వీట్‌ చేశారు. ఈ ట్వీట్‌కు ప్రముఖ సౌండ్ డిజైనర్ రసూల్ పోకుట్టి స్పందించారు. 


రెహ్మాన్‌తోపాటు `స్లమ్‌డాగ్ మిలీనియర్` సినిమాకు ఆస్కార్ అందుకున్న రసూల్‌కు కూడా ఆ తర్వాత అవకాశాలు రాలేదట. ఆ విషయాన్ని ఆయన తాజాగా సోషల్ మీడియా ద్వారా వెల్లడించారు. `డియర్ శేఖర్ కపూర్.. దాని గురించి నన్ను అడగండి. ఆస్కార్‌ అవార్డు గెలుచుకున్న తర్వాత నాకు బాలీవుడ్ నుంచి అవకాశాలు రాలేదు. `నువ్వు మాకు అవసరం లేద`ని కొందరు నిర్మాతలు నా మొహం మీదే చెప్పారు. అయినా ఇప్పటికీ నేను బాలీవుడ్‌ను ప్రేమిస్తూనే ఉన్నాన`ని ట్వీట్ చేశారు. 




Updated Date - 2020-07-27T22:06:42+05:30 IST