తండ్రి గురించి రష్మిక ఎమోషనల్ మెసేజ్!

టాలీవుడ్ స్టార్ హీరోయిన్ రష్మికా మందన్న సోషల్ మీడియాలో యాక్టివ్‌గా ఉంటుంది. లాక్‌డౌన్ కారణంగా ఇంటికే పరిమితమైన రష్మిక ట్విటర్ ద్వారా అభిమానులతో టచ్‌లోకి వస్తోంది. తాజాగా తన తండ్రి గురించి రష్మిక ఇన్‌స్టాగ్రామ్‌లో ఓ భావోద్వేగ పోస్ట్ చేసింది. 

`నాన్న గురించి ఏం చెప్పాలి. నేను పుట్టడానికి రెండ్రోజుల ముందు.. పొడవైన జుట్టు, పెద్ద కళ్లు ఉన్న ఓ చిన్నారి తన పొట్ట మీద డ్యాన్స్ చేస్తున్నట్టు మా నాన్నకి కల వచ్చిందట. ఆ కల గురించి మా నాన్న నాకు తరచుగా చెప్పేవారు. నా చిన్నతనంలో మా నాన్న ఎప్పుడూ బిజినెస్ పనులతో బిజీగా ఉండేవారు. ఆ తర్వాత నేను హాస్టల్‌కు వెళ్లిపోయాను. చదువుతో బిజీ అయిపోయాను. ఆ తర్వాత సినిమాల్లోకి వచ్చేశాను. నేను ఇప్పుడు ఆయన వ్యాపార భాగస్వామిని. నా ఈ ప్రయాణంలో ఆయన మెయిన్ పిల్లర్‌గా నిలిచారు. మేం పెద్దగా మాట్లాడుకోం. అయితే ఒకరి మీద మరొకరికి ప్రేమ ఉందని అర్థం చేసుకుంటాం` అంటూ ఓ సుదీర్ఘ పోస్ట్‌ను తన ఇన్‌స్టాగ్రామ్ ఖాతాలో రష్మిక షేర్ చేసింది.