తిరుపతిలో రష్మిక వర్కవుట్!

కన్నడ భామ రష్మిక ప్రస్తుతం తెలుగులో చాలా బిజీగా ఉంది. అటు స్టార్ హీరోల సినిమాల్లోనూ, ఇటు యువ హీరోల చిత్రాల్లోనూ అవకాశాలు దక్కించుకుంటూ ఫుల్ స్వింగ్‌లో ఉంది. ఇప్పటికే సుకుమార్-అల్లు అర్జున్ `పుష్ప` సినిమాకు ఓకే చెప్పిన రష్మిక.. తాజాగా యువ హీరో శర్వానంద్ `ఆడాళ్లూ మీకు జోహార్లు` సినిమాను ప్రారంభించింది. 

కిశోర్ తిరుమల దర్శకత్వంలో తెరకెక్కుతున్న ఈ చిత్రాన్ని సుధాకర్ చెరుకూరి నిర్మిస్తున్నారు. దసరా రోజున తిరుపతిలో ఈ సినిమా షూటింగ్ ప్రారంభమైంది. తాజాగా వ్యాయామం అనంతరం తీసుకున్న ఫొటోను రష్మిక ఇన్‌స్టాగ్రామ్‌లో పోస్ట్ చేసింది. `తిరుపతిలో వర్కవుట్. నేను చెప్పేదేమిటంటే.. మినహాయింపులు లేవు` అంటూ రష్మిక పేర్కొంది.