రష్మిక బాలీవుడ్ ఎంట్రీ
ABN , First Publish Date - 2020-12-24T06:20:48+05:30 IST
చిన్న సినిమాతో పరిచయమై, వరుస విజయాలతో తెలుగులో టాప్ హీరోయున్గా ఎదిగిన కన్నడ భామ రష్మిక ఇప్పుడు బాలీవుడ్లోకి ఎంట్రీ ఇస్తున్నారు...
![రష్మిక బాలీవుడ్ ఎంట్రీ](https://media.chitrajyothy.com/appimg/galleries/202012241242821/12242020005046n67.jpg)
చిన్న సినిమాతో పరిచయమై, వరుస విజయాలతో తెలుగులో టాప్ హీరోయున్గా ఎదిగిన కన్నడ భామ రష్మిక ఇప్పుడు బాలీవుడ్లోకి ఎంట్రీ ఇస్తున్నారు. సిద్దార్థ్ మల్హోత్రా హీరోగా నటిస్తున్నభారీ యాక్షన్ ఎంటర్టైనర్ ‘మిషన్ మజ్ను’ లో ఆమె నటించనున్నారు. ఈ విషయాన్ని ఆమె వెల్లడిస్తూ ‘మంచి సినిమాలో నేనూ భాగం అవుతున్నందుకు ఆనందంగా ఉంది. తెలుగు, తమిళ చిత్రాల్లో ప్రస్తుతం నటిస్తున్న నాకు భాషాపరమైన పట్టింపులు లేవు’ అన్నారు.
1970ల దశకంలో పాకిస్తాన్లో ఇండియన్ ఇంటలిజెన్స్ సంస్థ జరిపే ఓ సీక్రెట్ మిషన్ ఆదారంగా ఈ సినిమా ఉంటుంది. ఇందులో సిద్దార్థ్ ‘రా’ ఏజెంట్గా నటిస్తున్నారు. యాడ్ ఫిల్మ్ మేకర్గా ఎన్నో అవార్డులు పొందిన షంతాను బాగ్చీ ఈ చిత్రంతో దర్శకుడిగా పరిచయ మవుతున్నారు. ఈ సినిమా ఫస్ట్లుక్ విడుదల చేశారు. వచ్చే ఏడాది ఫిబ్రవరి నెల్లో ప్రారంభమయ్యే ఈ చిత్రాన్ని అమర్ బటాలా, గరిమా మెహతా సంయుక్తంగా నిర్మించనున్నారు.