లాక్‌డౌన్‌లో ప్రియాంక... మాస్క్‌తో సెల్ఫీ!

బాలీవుడ్ న‌టి ప్రియాంక చోప్రా ప్రస్తుతం తన భర్తతో కలిసి అమెరికాలో ఉంటున్నారు. కరోనా వైరస్ యుఎస్‌లోనూ త‌న ప్ర‌తాపం చూపిస్తున్న విష‌యం విదిత‌మే. అక్క‌డ లాక్‌డౌన్ కార‌ణంగా ప్రజలు ఇళ్లలోనే ఉండ‌వ‌ల‌సి వ‌స్తోంది. ఈ లాక్‌డౌన్‌లో ప్రియాంక చోప్రా సోషల్ మీడియాలో చాలా యాక్టివ్‌గా ఉంటూ,  ప‌లు విష‌యాలు షేర్ చేస్తున్నారు. ప్రియాంక చోప్రా రెండు నెలల తర్వాత ఇంటి నుండి బ‌య‌ట‌కు వ‌చ్చారు. ఈ సంద‌ర్భంగా మాస్క్ ధరించి సెల్ఫీ తీసుకుని, దానిని సోషల్ మీడియాలో షేర్ చేశారు. కాగా కరోనా వైరస్‌పై చేస్తున్న పోరాటానికి నిధుల సేకరణకు చేప‌ట్టిన కార్య‌క్ర‌మంలో ప్రియాంక  తన భర్త నిక్ జోనాస్‌తో కలిసి పాల్గొన్నారు.