ప్ర‌శాంత్ వ‌ర్మ ‘జాంబీ రెడ్డి’

తొలి చిత్రం ‘అ!’తో విమ‌ర్శ‌కుల ప్ర‌శంస‌లు, విజ‌యాన్ని అందుకున్నారు ద‌ర్శ‌కుడు ప్ర‌శాంత్ వ‌ర్మ. రెండో చిత్రం ‘క‌ల్కి’ అనుకున్న మేర విజ‌యాన్ని సాధించ‌లేక‌పోయింది. ఇప్పుడు ఈ యువ ద‌ర్శ‌కుడు తెర‌కెక్కిస్తోన్న మూడో చిత్రానికి ‘జాంబీ రెడ్డి’ అనే టైటిల్‌ను ఖ‌రారు చేశారు. క‌రోనా వైర‌స్ నేప‌థ్యంలో ఈ సినిమాను తెర‌కెక్కిస్తుండ‌టం విశేషం. ఈ సినిమా టైటిల్‌ను అనౌన్స్ చేస్తూ ప్రోమోను చిత్ర యూనిట్ నేడు విడుద‌ల చేసింది. నిజ ఘ‌ట‌న‌ల ఆధారంగా రూపొందుతోన్న ఈ చిత్రాన్ని యాపిల్ స్టూడియోస్ బ్యాన‌ర్‌పై రాజ‌శేఖ‌ర్ వ‌ర్మ నిర్మిస్తున్నారు. మార్క్ కె.రాబిన్ సంగీతం అందిస్తున్నారు.