సోనూసూద్‌ను సత్కరించిన ప్రకాశ్‌ రాజ్‌

సోనూసూద్‌ను విలక్షణ నటుడు ప్రకాశ్‌రాజ్‌ ఈరోజు సత్కరించారు. అది కూడా షూటింగ్‌ లొకేషన్‌లో. వివరాల్లోకెళ్తే.. బెల్లంకొండ సాయిశ్రీనివాస్‌ హీరోగా సంతోష్ శ్రీనివాస్‌ దర్శకత్వంలో తెరకెక్కతోన్న చిత్రం 'అల్లుడు అదుర్స్‌'. ఈ చిత్రంలో సోనూసూద్‌ కీలక పాత్రలోనటిస్తున్నారు. కరోనా వైరస్‌ కారణంగా ఆగిన ఈ సినిమా షూటింగ్‌.. కేంద్ర ప్రభుత్వ విధివిధానాలతో రీస్టార్ట్‌ అయ్యింది. హైదరాబాద్‌లో ప్రారంభమైన షెడ్యూల్‌లో సోనూసూద్‌, ప్రకాశ్‌రాజ్‌ తదితరులు పాల్గొన్నారు. కోవిడ్‌ సమయంలో కొన్ని వేల మంది ప్రజలకు సాయం చేసిన సోనూసూద్‌ ప్రకాశ్‌రాజ్‌ ప్రత్యేకంగా సత్కరించారు. ఇప్పుడు ఆ ఫొటోలు నెట్టింట వైరల్‌ అవుతున్నాయి. కోవిడ్‌ సమయంలో ప్రకాశ్‌రాజ్‌ కూడా ప్రజలకు తన వంతు సాయాన్ని అందించిన సంగతి తెలిసిందే. అల్లుడు అదుర్స్‌ చిత్రంలో నభా నటేశ్‌, అను ఇమ్మాన్యుయేల్‌ హీరోయిన్స్‌గా నటిస్తున్నారు.