థాంక్యూ ఫ్రెండ్.. నీతో కలిసి పనిచేయడాన్ని ఆస్వాదించా: పవన్

పవర్‌స్టార్ పవన్‌కల్యాణ్, సంగీత దర్శకుడు రమణ గోగుల కాంబినేషన్‌లో చాలా  సినిమాలు తెరకెక్కాయి. రమణ గోగుల వాయిస్ పవన్‌కు సరిగ్గా సరిపోయిందని అప్పట్లో కామెంట్లు వినిపించేవి. పవన్ దర్శకత్వం వహించిన `జాని` సినిమాకు కూడా రమణ గోగులే సంగీతం అందించారు. `జాని` విడుదలై 17 ఏళ్లు పూర్తయిన సందర్భంగా రమణ గోగుల ట్విటర్ ద్వారా ఆ సినిమాను గుర్తు చేసుకున్నారు. 

`డియర్ పవన్‌కల్యాణ్, `జాని` సినిమా కోసం నిన్ననే మనం కలిసి పనిచేసినట్టు అనిపిస్తోంది. అప్పుడే 17 సంవత్సరాలు పూర్తయ్యాయంటే నమ్మలేకపోతున్నా. అద్భుతమైన ప్రయాణం. ఆరోగ్యంగా ఉండు మై ఫ్రెండ్` అని రమణ గోగుల ట్వీట్ చేశారు. ఈ ట్వీట్‌కు పవన్ స్పందిస్తూ.. `థాంక్యూ రమణ గోగుల.. నీతో కలిసి పనిచేయడాన్ని ఆస్వాదించా. చాలా సరదాగా, సృజనాత్మకంగా గడిచిన అద్భుత క్షణాలు అవి. ఆల్ ది బెస్ట్ మై ఫ్రెండ్` అని ట్వీట్ చేశారు.